Соли 2025 зиёда аз 1 миллион сайёҳон ба шаҳри Душанбе ворид гардидаанд
ДУШАНБЕ, 07.02.2026 /АМИТ «Ховар»/. Тибқи таҳлил ва арзёбии соҳаи сайёҳӣ, аз шумораи умумии сайёҳони ба ҷумҳурӣ воридгардида 61 фоиз ё 1,1 миллион нафари онҳо ба шаҳри Душанбе омада, аз хизматрасониҳои маишию сайёҳии пойтахт истифода намудаанд. Чунин иттилоъ дод муовини якуми Раиси шаҳри Душанбе Бахтиёр Шарифӣ 5 феврал зимни баргузории нишасти матуботии Мақомоти иҷроияи ҳокимияти давлатии шаҳри Душанбе.
Иттилоъ дода шуд, ки соли 2025 370,5 ҳазор нафар меҳмонон тавассути фурудгоҳи байналмилалӣ ва роҳи оҳан аз хориҷи мамлакат ба шаҳри Душанбе сафар намуданд, ки нисбат ба соли 2024 123,1 ҳазор нафар зиёд мебошад.
«Сайёҳӣ яке аз соҳаҳои муҳими муаррифи давлату миллат, таъриху фарҳанг, табиат ва анъанаҳои мардумӣ ба меҳмонон ба шумор рафта, рушди он ба инкишофи ҳамаҷонибаи соҳаҳои иқтисодӣ, аз ҷумла бахши хизматрасонию маишӣ ва истеҳсолӣ мусоидат менамояд. Бо ин мақсад бо ташаббуси Мақомоти иҷроияи ҳокимияти давлатии шаҳри Душанбе соли 2025 бахшида ба Рӯзи ҷаҳонии сайёҳӣ дар пойтахт Намоишгоҳи дуюми «Dushande International Tourism Exhibition» (DITE-2025) баргузор гардид. Дар он зиёда аз 200 ширкати хизматрасонии сайёҳӣ, аз ҷумла 65 ширкат аз кишварҳои хориҷӣ иштирок намуда, молу маҳсулот ва хизматрасонияшонро ба таври васеъ муаррифӣ намуданд», -афзуд Бахтиёр Шарифӣ.
Бо мақсади ҷалби бештари сайёҳони хориҷӣ ба Тоҷикистон ва тарғибу ташвиқи анъанаҳои арзишманди миллию мероси ниёгон 156 чорабинии гуногуни сайёҳӣ, бахусус 75 саёҳати дохилишаҳрӣ «RED BUS TOURS» ва кӯчаи мавсимии сайёҳии «Куруши Кабир» ташкил карда шуд.
Ҳамзамон таъкид шуд, ки бо мақсади муаррифии бренди миллии сайёҳӣ ва тарғиби арзишҳои фарҳангӣ бо ҷалби намояндагони корпуси дипломатӣ, донишҷӯёни хориҷӣ, меҳмонони пойтахт, сайёҳони хориҷӣ ва намояндагони воситаҳои ахбори омма хатсайри сайёҳии «Сайри Меҳргон» ва «Сада» ташкил гардид.
Зарангези ЛАТИФ,
АМИТ «Ховар»
АКС: АМИТ «Ховар»
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
