Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
ДУШАНБЕ, 17.03.2026 /АМИТ «Ховар»/. Тавре қаблан иттилоъ додем, 16–17 март дар шаҳри Венаи Австрия конфронси Созмони Милали Муттаҳид оид ба мубориза бо қаллобӣ баргузор мегардад. Дар ин конфронс ҳайати Ҷумҳурии Тоҷикистон таҳти роҳбарии муовини якуми Вазири корҳои дохилии Ҷумҳурии Тоҷикистон Абдураҳмон Аламшозода иштирок дорад.
Тавре аз Вазорати корҳои дохилии Тоҷикистон ба АМИТ «Ховар» хабар доданд, ҳайати мамлакат дар ин конфронси сатҳи байналмилалӣ мавқеи Тоҷикистонро дар самти мубориза бо ҷиноятҳои муосир, аз ҷумла қаллобӣ ва дигар ҷиноятҳои фаромиллӣ баён намуд.
Иттилоъ дода шуд, ки дар доираи конфрос муовини якуми Вазири корҳои дохилии Ҷумҳурии Тоҷикистон Абдураҳмон Аламшозода бо муовини ёвари Котиби давлатии Иёлоти Муттаҳидаи Амрико Девид Бедард ва Котиби генералии Интерпол Валдес Уркиза вохӯрӣ намуд.
Зимни вохӯриҳо ҷонибҳо масъалаҳои тақвият додани ҳамкориро дар муқовимат бар зидди ҷинояткорӣ, аз ҷумла терроризми байналмилалӣ, ҷустуҷӯи ҷинояткорони аз тафтишот ва суд пинҳоншуда баррасӣ намуданд.
Инчунин 16 март вохӯрии муовини якуми Вазири корҳои дохилии Тоҷикистон Абдураҳмон Аламшозода бо роҳбари Дастгоҳи Вазири корҳои дохилии Австрия Штромайер Гераллд баргузор гардид.
Иброз гардид, ки Вазорати корҳои дохилии Тоҷикистон омода аст, ки бо Вазорати корҳои дохилии Австрия ҳамкориро дар ҳама самтҳо, аз ҷумла дар соҳаи ҳифзи ҳуқуқ, муқовимат ба ҷинояткории муташаккили фаромиллӣ ва ҷустуҷӯи ҷинояткорон тақвият диҳад.
Пешниҳод карда шуд, ки байни вазоратҳои корҳои дохилии Тоҷикистон ва Австрия оид ба ҳамкорӣ дар самти муқовимат ба ҷинояткорӣ санади дахлдор ба имзо расонида шавад.
Таъкид шуд, ки ташкил ва гузаронидани чунин вохӯриҳо ба боз ҳам қавӣ гардонидани ҳамкории байналмилалӣ дар раванди пешгирӣ ва мубориза бар зидди ҷинояткории фаромиллӣ мусоидат менамояд.
АКС: Вазорати корҳои дохилии Ҷумҳурии Тоҷикистон
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
