Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
ДУШАНБЕ, 02.03.2026 /АМИТ «Ховар»/. Байни шаҳрҳои Душанбе ва Тошканд тавассути автобуси нави бароҳат хатсайри нави нақлиётии байналмилалӣ фаъол карда шуд, иттилоъ медиҳад АМИТ «Ховар» бо истинод ба Вазорати нақлиёти Тоҷикистон.
Хатсайри мазкур рафтуомади мусофиронро байни пойтахтҳои Тоҷикистон ва Узбекистон хеле осон намуда, барои сайёҳон шароити мусоид фароҳам меорад. Автобус дорои ҷойи хоб барои мусофирон мебошад.
Аз пойтахти Узбекистон автобус аз терминали «Тошканд» рӯзҳои сешанбе ва ҷумъа, соати 17:00 ва аз терминали мусофиркашонии Душанбе рӯзҳои чоршанбе ва шанбе, соати 13:00 ҳаракат намуда, вақти сафар аз 15 то 17 соат аст. Давоми хатсайр автобус дар шаҳраки Сариосиёи вилояти Сурхондарёи Узбекистон таваққуф мекунад. Нархи чипта ба як тараф тақрибан 233 сомонӣ (300 000 сӯм)-ро ташкил медиҳад. Дар назар аст, ки дар оянда бо назардошти талаботи мусофирон ҳаракати иловагии автобусҳо фаъол гардонида шавад.
Қаблан байни Тоҷикистону Узбекистон созишнома дар бораи барқарор намудани ҳаракати автобусҳо байни шаҳрҳои калони ду давлат ба имзо расида буд. Зери ин санад намояндагони Вазорати нақлиёти Тоҷикистон ва Агентии нақлиёти автомобилии Узбекистон имзо гузошта буданд.
Тибқи ин санад, аз ҷумла соли 2021 ҳаракати автобусҳо байни шаҳрҳои Хуҷанд ва Тошканд, инчунин аз Панҷакент ба Самарқанд ва Бухоро ба роҳ монда шуд. Оғози хатсайри байналмилалии «Тошканд-Душанбе» тавассути автобус ба таҳкими ҳамкории ду мамлакати ҳамсоя мусоидат менамояд.
АКС: Вазорати нақлиёти Тоҷикистон
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
