Беш аз 15 ҳазор хатмкунанда бо шароити таҳсил дар Донишгоҳи давлатии ҳуқуқ, бизнес ва сиёсати Тоҷикистон шинос шуданд
ДУШАНБЕ, 02.03.2026. /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон Ҳафтаи дарҳои кушод ҷамъбаст гардида, ғолибони интернет-олимпиада қадрдонӣ гардиданд.
Тавре ба АМИТ «Ховар» аз ин донишгоҳ хабар доданд, аз 1 то 23 феврал даври якуми интернет-олимпиада баргузор гардида, хоҳишмандон тавассути сомонаи донишгоҳ аз рӯи намунаҳои саволномаҳои Маркази миллии тестии назди Президенти Ҷумҳурии Тоҷикистон дониши худро санҷиданд. Дар Ҳафтаи дарҳои кушод ва интернет-олимпиада беш аз 15 ҳазор хатмкунандагон ба таври маҷозӣ ва ҳузурӣ иштирок намуданд.
Иттилоъ дода шуд, ки дар рӯзҳои Ҳафтаи дарҳои кушод, ки аз 23 то 28 феврал доир гардид, хатмкунандагони шаҳру ноҳияҳои вилоят ба донишгоҳ омада, бо шароити таҳсил, имконияту ихтисосҳо, Маркази таҳсилоти рақамӣ ва дигар биноҳои таълимӣ аз наздик шинос шуданд.
Иброз гардид, ки мақсади ба роҳ мондани ин иқдом дар амал татбиқ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон барои ҷалби хатмкунандагон ба таҳсили илму дониш ва ба касбомӯзӣ фаро гирифтани онҳо мебошад.
Баргузории чунин иқдом барои таҳкими робитаи муассисаҳои таҳсилоти олӣ бо муассисаҳои таҳсилоти миёнаи умумӣ ва ҷалби бештари ҷавонон ба таҳсилоти касбӣ аҳамияти муҳим дорад. Инчунин ба баланд бардоштани сатҳи омодагии довталабон ба имтиҳонҳои марказонидаи дохилшавӣ, рушди ҷаҳонбинии онҳо ва таҳкими ҳавасмандӣ ба илмомӯзӣ мусоидат менамояд. Таҷриба нишон медиҳад, ки чунин чорабиниҳои иттилоотию маърифатӣ барои интихоби дурусти касб, омодасозии мутахассисони ҷавобгӯ ба талаботи бозори меҳнат ва дар маҷмуъ ба рушди неруи зеҳнии ҷомеа заминаи мусоид фароҳам меоранд.
АКС: Донишгоҳи давлатии ҳуқуқ, бизнес ва сиёсати Тоҷикистон
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
