Дар Норак бахшида ба Наврӯз намоиши фарҳангӣ ва Фестивали бозиҳои миллии варзишӣ доир гардид
ДУШАНБЕ, 16.03.2026 /АМИТ «Ховар»/. Наврӯз ҳамчун ҷашни бостонӣ ва рамзи эҳёи табиат, дӯстию ҳамдигарфаҳмӣ ва сулҳу ваҳдат дар фарҳанги мардуми тоҷик мақоми хосса дорад. Чунин гуфта шуд зимни ифтитоҳи намоиши фарҳангӣ ва Фестивали бозиҳои миллии варзишӣ, ки дар шаҳри Норак бахшида ба Ҷашни байналмилалии Наврӯз баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Норак иттилоъ медиҳад.
Иброз гардид, ки бо шарофати саъю талошҳои Президенти Ҷумҳурии Тоҷикистон муҳтарам Эмомалӣ Раҳмон ва кишварҳои ҳавзаи Наврӯз ин ҷашни аҷдодӣ дар арсаи байналмилалӣ ҷойгоҳи арзанда пайдо намуда, ҳамчун мероси гаронбаҳои фарҳанги башарият эътироф гардид. Бо талошу ташаббусҳои Пешвои миллат Наврӯз мақоми ҷаҳонӣ касб намуда, дар сатҳи байналмилалӣ бо шукуҳу шаҳомати хосса таҷлил мегардад.
Дар намоиши фарҳангӣ расму ойинҳои қадимии наврӯзӣ, суннатҳои миллӣ, таомҳои миллӣ ва ҳунарҳои мардумӣ, ки аз эҳёи табиат ва омад-омади Наврӯз пайк медоданд, манзур гардиданд. Ҳамзамон дар доираи фестивал мусобиқаҳои гуногун ва бозиҳои миллии варзишӣ гузаронида шуда, варзишгарон ва ҷавонон дар намудҳои гуногуни варзиш маҳорат нишон доданд.
Баргузории намоиши фарҳангӣ ва Фестивали бозиҳои миллии варзишӣ дар шаҳри Норак барои эҳё ва гиромидошти суннатҳои қадимии ниёгон, таҳкими ҳисси ватандӯстӣ, худшиносии миллӣ ва ҷалби ҷавонон ба тарзи ҳаёти солим аҳамияти муҳим дорад.
АКС: Мақомоти иҷроияи ҳокимияти давлатии шаҳри Норак
«ТОҶИКИСТОН ВАТАНИ НАВРӮЗ АСТ». Таҳти чунин унвон дар шаҳри Душанбе ҳамоиш баргузор гардид
Дар Душанбе ҳамоиши идонаи «Наврӯз — ҷашни сулҳу накукорӣ» баргузор гардид
НАВРӮЗИ ДУШАНБЕ. Дар пойтахти Тоҷикистон барои дар сатҳи баланд пешвоз гирифтани меҳмонон омодагӣ мегиранд
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар Данғара бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) доир мешавад
ТОҶИКИСТОН ВАТАНИ НАВРӮЗ АСТ! Суратгузориш аз ҷараёни корҳои омодагӣ ба ин ҷашни ҷаҳонӣ дар пойтахт
Дар ноҳияи Данғара «Шаҳраки наврӯзӣ» ташкил карда шуд
Дар Душанбе чорабинии фарҳангӣ — фароғатии «Dushanbe Navruz Fest» баргузор мешавад
Нақши Маркази байналмилалии Наврӯз барои кишварҳои ҳавзаи фарҳангии Наврӯз чӣ гуна хоҳад буд?
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
