МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
ДУШАНБЕ, 31.03.2026 /АМИТ «Ховар»/. Дар Муассисаи таҳсилоти миёнаи умумии рақами 78-и ноҳияи Фирдавсӣ доир ба шарҳу тавзеҳи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ва Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» бо судяҳои Суди ноҳия вохӯрӣ баргузор гардид. Дар ин хусус ба АМИТ «Ховар» аз суди ноҳия хабар доданд.
Дар вохӯрӣ судяҳои Суди ноҳияи Фирдавсии шаҳри Душанбе Абдулвоҳид Сатторзода, Алимардон Сафарзода ва Ҷумъахон Ҷамилзод аз таваҷҷуҳи доимии Президенти мамлакат нисбат ба соҳаи маориф, тарбияи дуруст ва дониши мукаммал гирифтани насли наврас, дар руҳияи ватандӯстӣ тарбият намудани ҷавонон, ҳамчунин арҷ гузоштан ба фарҳангу забони миллӣ ва сарфаю сариштакорӣ ёдовар шуданд. Иброз гардид, ки ин мавзуъҳо аз ҷумлаи масъалаҳои муҳими Паёми Президенти Ҷумҳурии Тоҷикистон ба Маҷлиси Олӣ ба шумор мераванд.
Ҳамчунин масъулин оид ба нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар пойдории сулҳу субот дар мамлакат, рушд ёфтани тамоми соҳаҳо, сол то сол коҳиш ёфтани камбизоатӣ ва муаррифӣ намудани Тоҷикистон ҳамчун давлати ташаббускор андешаронӣ намуданд.
Кормандони Суди ноҳияи Фирдавсии шаҳри Душанбе зимни ҳамоиш волидонро даъват намуданд, ки дар риояи қонунҳои миллӣ масъулияти баланд дошта бошанд ва дар тарбияву таҳсили фарзандон ба саҳлангорӣ роҳ надиҳанд.
Таъкид карда шуд, ки вазъи ҷаҳони муосир ва бархурди фарҳангҳо ҳар сокини мамлакатро ба он водор месозад, ки дар тарбияи насли наврас дар роҳи худшиносӣ, арҷгузорӣ ба фарҳанги миллӣ ва омӯзиши забонҳои гуногун нақш гузоранд.
АКС: Суди ноҳияи Фирдавсӣ
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
