Ҳамкории Тоҷикистон бо Бунёди Ҳаннс Зайдел (Олмон) дар Осиёи Марказӣ баррасӣ гардид
ДУШАНБЕ, 23.04.2026. /АМИТ «Ховар»/. 22 апрел вохӯрии директори Агентии хизмати давлатии назди Президенти Ҷумҳурии Тоҷикистон бо намояндагони Бунёди Ҳаннс Зайдел (Олмон) дар Осиёи Марказӣ баргузор гардид.
Тавре ба АМИТ «Ховар» аз Агентии хизмати давлатии назди Президенти Ҷумҳурии Тоҷикистон иттилоъ доданд, ҳамкорӣ дар асоси Ёддошти тафоҳум оид ба ҳамкорӣ дар соҳаи рушди хизмати давлатӣ, ки 15 майи соли 2009 дар шаҳри Мюнхени Ҷумҳурии Федералии Олмон ба имзо расидааст, амалӣ мегардад.
Дар доираи ин ҳамкорӣ аз соли 2009 то ҳоло якчанд барномаҳои муҳим амалӣ карда шудаанд, аз ҷумла ташкили магистратураҳои яксола ва дусола аз рӯйи ихтисоси «Идоракунии давлатӣ» дар Академияи идоракунии давлатии назди Президенти Ҷумҳурии Тоҷикистон, таҳсили хизматчиёни давлатӣ дар Академияи идоракунии давлатии назди Президенти Ҷумҳурии Қазоқистон, ташкили даври омӯзишии дуалӣ барои омодасозии ҳайати роҳбарикунанда аз ҳисоби занони фаъолу лаёқатманд.
Чунин ҳамкорӣ дар айни замон идома дошта, 25 хизматчии давлатӣ дар магистратураи яксола таҳсил доранд. Аз 20 апрели соли 2026 дар шаҳри Хуҷанди вилояти Суғд даври омӯзишии «Зан-сарвар» бо фарогирии 17 зани хизматчии давлатӣ идома дорад.
Иброз гардид, ки чунин ҳамкорӣ ба рушди хизмати давлатӣ, баланд бардоштани сатҳи касбии хизматчиён ва таҳкими ҳамкории байналмилалӣ мусоидат менамояд.
АКС: Агентии хизмати давлатии назди Президенти Ҷумҳурии Тоҷикистон
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
