Бахшида ба Рӯзи кормандони мақомоти иҷро ҳамоиши тантанавӣ баргузор шуд
ДУШАНБЕ, 06.04.2026. /АМИТ «Ховар»/. Бахшида ба Рӯзи кормандони мақомоти иҷро (5 апрел) таҳти унвони «Нақши Пешвои муаззами миллат муҳтарам Эмомалӣ Раҳмон дар ташаккул ва рушди низоми истеҳсолоти иҷро» ҳамоиши тантанавӣ баргузор гардид. Дар ин хусус АМИТ «Ховар» бо истинод ба Хадамоти иҷрои назди Ҳукумати Ҷумҳурии Тоҷикистон хабар медиҳад.
Дар ҳамоиш иброз гардид, ки давоми таъсис ва фаъолияти Хадамоти иҷро аз ҷониби Ҳукумати ҷумҳурӣ, бахусус Президенти Ҷумҳурии Тоҷикистон муҳтарам Эмомалӣ Раҳмон дастгирӣ ёфтани ташаббусҳои Хадамоти иҷро ба таҳким ва такмили заминаҳои меъёрию ҳуқуқӣ ва ташкилию инфрасохтории соҳа мусоидат намуд. Сифати иҷрои санадҳои судӣ, санадҳои мақомоти давлатӣ ва шахсони мансабдор чанд маротиба баланд гардида, ин самти фаъолият давра ба давра ташаккул ёфта, ба талаботи замони муосир мутобиқ гардонида мешавад. Имрӯз аз таъсиси ин ниҳоди муҳими давлатӣ 8 сол сипарӣ мешавад.
«Дар доираи таҷлили Рӯзи кормандони мақомоти иҷро аз ҷониби хадамот силсила чорабиниҳои маърифативу ҳуқуқӣ, аз ҷумла маъракаҳои ниҳолшинонӣ ва ободгардонӣ, мусобиқаҳои варзишӣ ва дигар чорабиниҳо ба роҳ монда шуданд»,-гуфта шуд дар ҷамъомад.
Дар чорабинӣ ба як зумра кормандони фаъоли соҳа барои фаъолияти софдилона, иҷрои босамари масъулияти хизматӣ ва саҳгузории арзанда дар татбиқи сиёсати давлатӣ дар соҳаи истеҳсолоти иҷро Сипоснома, рутбаҳои навбатии дараҷавӣ ва тахассусӣ супорида шуданд.
Бояд гуфт, ки Хадамоти иҷрои назди Ҳукумати Ҷумҳурии Тоҷикистон соли 2018 бо Фармони Президенти Ҷумҳурии Тоҷикистон таъсис дода шуда, соли 2022 ба моддаи 2-и Қонуни Ҷумҳурии Тоҷикистон «Дар бораи рӯзҳои ид» 5 апрел — Рӯзи кормандони мақомоти иҷро муайян гардид.
АКС: Хадамоти иҷрои назди Ҳукумати Ҷумҳурии Тоҷикистон
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
