Дар Донишгоҳи технологии Тоҷикистон ҷараёни татбиқи лоиҳаи таъсиси Маркази инноватсионии нассоҷӣ баррасӣ шуд
ДУШАНБЕ, 07.04.2026 /АМИТ «Ховар»/. Дар доираи амалисозии лоиҳаи «Таъсиси Маркази инноватсионии нассоҷӣ барои омода намудани муҳандисони соҳаи нассоҷӣ дар Ҷумҳурии Тоҷикистон» мулоқоти ректори Донишгоҳи технологии Тоҷикистон Зоир Раҳмонзода бо коршиносони консорсиуми лоиҳа ва намояндагони Агентии ҳамкории байналмилалии Корея (KOICA) баргузор гардид. Дар ин хусус ба АМИТ «Ховар» аз Донишгоҳи технологии Тоҷикистон хабар доданд.
Зимни мулоқот доираи васеи масъалаҳои муҳими татбиқи лоиҳа, аз ҷумла масъалаҳои вобаста ба тарҳрезии хатҳои муосири технологӣ ва таҷҳизоти соҳавӣ, инчунин корҳои сохтмонӣ, тарҳи бино ва ҷобаҷогузории озмоишгоҳу синфхонаҳо мавриди баррасии ҳамаҷониба қарор гирифтанд.
Меҳмонон инчунин бо ҳайати кории лоиҳавии Донишгоҳи технологии Тоҷикистон мулоқот намуда, масъалаҳои марбут ба татбиқи босамари лоиҳа ва таҳкими ҳамкории минбаъдаро баррасӣ карданд.
Ҳамзамон меҳмонон бо озмоишгоҳҳои таълимию илмии соҳаи нассоҷии Донишгоҳи технологии Тоҷикистон ва имконияту заминаи моддию техникии мавҷуда аз наздик шинос шуданд.
Ёдовар мешавем, ки лоиҳаи «Таъсиси Маркази инноватсионии нассоҷӣ барои омода намудани муҳандисони соҳаи нассоҷӣ дар Ҷумҳурии Тоҷикистон» аз ҷониби Агентии ҳамкории байналмилалии Корея (KOICA) маблағгузорӣ ва татбиқ мегардад.
АКС: Донишгоҳи технологии Тоҷикистон
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
