Дар ноҳияи Мастчоҳ аввалин гурӯҳи ҷавонони синни даъватиро ба хизмат гусел намуданд
ДУШАНБЕ, 03.04.2026 /АМИТ «Ховар»/. 2 апрел дар ноҳияи Мастчоҳ аввалин гурӯҳи ҷавонони синни даъватӣ ба сафи Қувваҳои Мусаллаҳи Ҷумҳурии Тоҷикистон равона карда шуд. Ба ин муносибат дар майдони Парчами давлатӣ дар шаҳраки Бӯстон маросими ботантанаи гусели даъватшавандагон баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад.
Дар чорабинӣ муовини якуми Раиси ноҳияи Мастчоҳ Шермуҳаммад Нодирӣ иброз дошт, ки хизмат дар сафи Қувваҳои Мусаллаҳ барои ҳар ҷавон мактаби ҷасорату мардонагӣ маҳсуб шуда, ҳифзи истиқлолу озодӣ, таъмини сулҳу субот ва ҳимояи марзу буми Ватан вазифаи муқаддаси ҳар фарзанди содиқи ҷумҳурӣ мебошад.
Имрӯз барои беҳтар намудани шароити хизмат, таъмини моддиву техникии қисмҳои ҳарбӣ ва баланд бардоштани нуфузи Артиши миллӣ тадбирҳои муассир амалӣ гардида, хизмат дар сафи Қувваҳои Мусаллаҳ ба мактаби воқеии тарбияи ватандӯстӣ табдил ёфтааст.
Ба даъватшавандагон барору комёбӣ, хизмати содиқона ва сарбаландона орзу гардида, ҳамзамон ба падару модарон барои тарбияи фарзандони далеру ватандӯст аз номи раиси ноҳия ва Мақомоти иҷроияи ҳокимияти давлатии ноҳияи Мастчоҳ изҳори миннатдорӣ карда шуд.
Маросими гусели даъватшавандагон бо барномаи рангини консертии бахши фарҳанги ноҳия ва риоияи анъанаи неки миллӣ — нонгазон анҷом ёфта, ҷавонон бо руҳияи болида ва азми қавӣ барои адои қарзи шаҳрвандӣ ба хизмати ҳарбӣ равона гардиданд.
АКС: Мақомоти иҷроияи ҳокимияти давлатии ноҳияи Мастчоҳ
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
Ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор шуд
Доир ба пурзӯр намудани мубориза бо муомилоти ғайриқонунии маводи нашъаовар вохӯрӣ баргузор гардид
Ҳабибулло Воҳидзода бо Роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
Тоҷикистон ва Чин ҳамкориро дар самти амният тақвият медиҳанд
МУҚОВИМАТ БА ТЕРРОРИЗМ ВА ЭКСТРЕМИЗМ. Ин зуҳуроти манфӣ имрӯз ба таҳдиди нигаронкунанда ба амнияту суботи давлатҳо табдил ёфтаанд
Ҷаласаи Шурои ҳамоҳангсозии мақомоти ҳифзи ҳуқуқи Ҷумҳурии Тоҷикистон баргузор шуд
Ҷаласаи бисту сеюми прокурорҳои генералии давлатҳои аъзои Созмони ҳамкории Шанхай баргузор гардид
