Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
ДУШАНБЕ, 01.04.2026 /АМИТ «Ховар»/. Ҳукумати Иёлоти Муттаҳидаи Амрико дар ҳамкорӣ бо шарикони соҳаи тандурустии Ҷумҳурии Тоҷикистон барои беҳтар намудани сифати хизматрасонии тиббӣ ба аҳолӣ иқдоми муҳимро амалӣ менамояд. Яке аз чунин ташаббусҳо баргузории барномаи омӯзишӣ барои мутахассисони озмоишгоҳҳо дар самти ташхис ва муайянсозии Вируси норасоии масунияти одам (ВНМО) ба ҳисоб меравад. Дар ин хусус ба АМИТ «Ховар» аз Сафорати Иёлоти Муттаҳидаи Амрико дар Ҷумҳурии Тоҷикистон хабар доданд.
Дар доираи ин барнома 30 нафар мутахассисони озмоишгоҳӣ аз муассисаҳои гуногуни тиббии ҷумҳурӣ ба омӯзиш фаро гирифта шуданд. Омӯзиш ба баланд бардоштани дониш ва малакаҳои касбии онҳо, махсусан дар самти ташхиси барвақтии кӯдакон равона гардидааст. Ташхиси барвақтӣ дар пешгирии паҳншавии беморӣ ва таъмини табобати саривақтӣ нақши калидӣ дорад.
Дар раванди омӯзиш усулҳои пешрафтаи ташхис, аз ҷумла технологияи вокуниши занҷираи полимеразӣ (PCR) мавриди истифода қарор дода шуданд. Ин технология яке аз усулҳои муосир ва дақиқ ба ҳисоб рафта, имкон медиҳад бемориҳои сироятӣ, аз ҷумла бемориҳое, ки хусусияти пандемиявӣ доранд, дар марҳилаҳои ибтидоӣ муайян карда шаванд. Истифодаи чунин технологияҳо ба рушди инфрасохтори озмоишгоҳӣ ва баланд бардоштани сатҳи омодагии мутахассисон мусоидат менамояд.
Барномаи мазкур аз ҷониби Лоиҳаи байналмилалии EpiC ва Маркази назорат ва пешгирии бемориҳои Ҳукумати ИМА амалӣ гардидааст. Ин ниҳодҳо бо пешниҳоди дастгирии техникӣ ва молиявӣ дар рушди соҳаи тандурустӣ ва таҳкими иқтидори кадрӣ дар Тоҷикистон саҳми назаррас мегузоранд.
Коршиносон таъкид мекунанд, ки чунин омӯзишҳо барои баланд бардоштани сатҳи хизматрасониҳои тиббӣ ва мутобиқ намудани онҳо ба стандартҳои байналмилалӣ заминаи мусоид фароҳам меоранд. Инчунин онҳо ба мутахассисон имконият медиҳанд, ки бо технологияҳои нав шинос шуда, онҳоро дар амал татбиқ намоянд.
Татбиқи чунин барномаҳо далели равшани густариши ҳамкории байналмилалӣ дар соҳаи тандурустӣ буда, ба беҳтар гардидани вазъи саломатии аҳолӣ мусоидат мекунад. Интизор меравад, ки чунин ташаббусҳо минбаъд низ идома ёфта, дар таҳкими низоми тандурустии мамлакат ва пешгирии бемориҳои сироятӣ саҳми назаррас гузоранд.
АКС: Сафорати Иёлоти Муттаҳидаи Амрико дар Ҷумҳурии Тоҷикистон
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
