Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
ДУШАНБЕ, 23.04.2026. /АМИТ «Ховар»/. Ҳифз ва истифодаи оқилонаи захираҳои биологӣ қадами муҳим дар ҳалли масъалаҳои муҳити зист буда, бо назардошти ин дар Тоҷикистон «Барномаи давлатии сабзкорӣ барои давраи то соли 2040» қабул гардидааст. Дар асоси он дар мамлакат беш аз як миллиард бех дарахт бо мақсади барқарорсозии низомҳои экологии ҷангал шинонида мешавад. Ин нукта зимни суханронии Президенти Ҷумҳурии Тоҷикистон муҳтарам Эмомалӣ Раҳмон дар Саммити минтақавиии экологии «Диди муштарак барои ояндаи устувор», ки 22 апрел дар шаҳри Остона баргузор шуд, баён гардид.
Сарвари давлати Тоҷикистон бо дахли дастовардҳои мамлакат дар солҳои Истиқлоли давлатӣ дар соҳаи муҳити зист изҳор намуданд, ки дар солҳои соҳибистиқлолӣ масоҳати умумии ҳудудҳои махсус ҳифзшавандаи табиӣ дар кишвар аз 2,5 то 22 фоиз афзоиш ёфт. Илова бар ин, Тоҷикистон барномаҳо ва лоиҳаҳои гуногуни давлатиро барои ҳифзи намудҳои беназир ва нодири ҳайвоноти кӯҳӣ фаъолона амалӣ мекунад.
Ин тадбирҳо, аз ҷумла ба ҳифз ва афзоиши саршумори бабри барфӣ — яке аз рамзҳои низомҳои экологии кӯҳии Осиёи Марказӣ, инчунин бузи пармашох ё морхӯр, гӯсфанди кӯҳӣ ва архар, ки бо номи гӯсфанди Марко Поло маъруф аст, равона гардидаанд.
«Ин ва дигар талошҳои мо ба ҳифзи муҳити зисти табиӣ ва таъмини эҳтиром ба табиат нигаронида шудаанд»,- таъкид намуданд Сарвари давлати Тоҷикистон.
АКС: АМИТ «Ховар»
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
Намояндагони Тоҷикистон дар ҷаласаи 69-уми Шурои байнидавлатӣ оид ба стандартизатсия иштирок намуданд
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
