Хуршед Каримзода дар ҳамоиши байналмилалии «Такмили экосистемаи ҷаҳонии савдо» дар Корея иштирок намуд
ДУШАНБЕ, 01.04.2026 /АМИТ «Ховар»/. Дар Ҷумҳурии Корея таҳти унвони «Такмили экосистемаи ҷаҳонии савдо» ҳамоиши байналмилалии сиёсӣ оид ба содагардонии расмиёти савдо баргузор гардид, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Дар ҳамоиш Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода иштирок намуд.
Ҳамоиши байналмилалӣ ба масъалаҳои такмили низоми ҷаҳонии савдо ва рушди механизмҳои муосири мусоидат ба савдои байналмилалӣ бахшида шуда, дар он роҳбарони мақомоти гумрук ва намояндагони сатҳи баланд аз 10 кишвар иштирок намуданд.
Иштироки ҳайати Тоҷикистон ба таҳкими ҳамкории байналмилалӣ, табодули таҷрибаи пешқадам ва омӯзиши равишҳои муосир дар соҳаи идоракунии гумрукӣ равона шудааст.
Зимни ифтитоҳи ҳамоиш Комиссари Хадамоти гумруки Ҷумҳурии Корея Мёнг-ку Ли аҳамияти таҳкими ҳамкории байналмилалиро дар шароити рақамисозии босуръат ва рушди савдои ҷаҳонӣ таъкид намуд. Изҳор гардид, ки мақомоти гумрук дар баробари таъмини риояи қонунгузорӣ ва амнияти савдои байналмилалӣ дар фароҳам овардани шароити мусоид барои суръат бахшидан ба ҳаракати мол тавассути сарҳад нақши калидӣ доранд.
Дар доираи ҳамоиш масъалаҳои трансформатсияи рақамии равандҳои гумрукӣ, ҷорӣ намудани механизми «Равзанаи ягона», рушди савдои беҳуҷҷат ва мубодилаи электронии маълумот мавриди баррасӣ қарор гирифтанд. Ба масъалаҳои истифодаи технологияҳои пешрафта, аз ҷумла зеҳни сунъӣ ва таҳлили маълумоти калон ва рушди савдои электронии фаромарзӣ таваҷҷуҳи махсус зоҳир гардид.
Иштирокдорони ҳамоиши байналмилалӣ дар шаҳри Инчеон бо инфрасохтори муосири гумрукӣ ва логистикии Ҷумҳурии Корея аз наздик шинос шуданд.
АКС: Хадамоти гумруки назди Ҳукумати Ҷумҳурии Тоҷикистон
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
