Намояндагони Бонки миллии Тоҷикистон ва Бонки ҷаҳонӣ масъалаҳои марбут ба идоракунии захираҳои байналмилалиро баррасӣ намуданд
ДУШАНБЕ, 22.04.2026. /АМИТ «Ховар»/. Рушди ҳамкорӣ дар самти идоракунии захираҳои байналмилалӣ аз масъалаҳое буд, ки дар Вашингтон дар мулоқоти муовини якуми Раиси Бонки миллии Тоҷикистон Фирӯз Шарифзода бо директори Барномаи шарикии машваратӣ оид ба идоракунии захираҳои байналмилалӣ (RAMP)-и Хазинадории Гурӯҳи Бонки ҷаҳонӣ хонум Катаржина Зайдел-Куровска баррасӣ гардид.
АМИТ «Ховар» бо истинод ба Бонки миллии Тоҷикистон иттилоъ медиҳад, ки мулоқот дар доираи Форуми баландпоя оид ба идоракунии дороиҳо ва захираҳои байналмилалӣ баргузор гардид. Дар мулоқот ҷонибҳо ба масъалаҳои марбут ба густариши ҳамкорӣ дар самти таҷрибаомӯзӣ, табодули дониш ва такмили иқтидори касбӣ таваҷҷуҳи хосса зоҳир намуданд.
Гуфта шуд, ки тақвияти ҳамкорӣ дар ин самт барои татбиқи усулҳои муосири идоракунии захираҳо ва таҳкими иқтидори институтсионалӣ аҳаммияти муҳим дорад. Ҳамзамон дар мулоқот масъалаҳо оид ба тавсеаи ҳамкорӣ дар самти идоракунии берунаи дороиҳо, инчунин андешидани тадбирҳои зарурӣ барои оғози сармоягузории мустақими Бонки миллии Тоҷикистон ба коғазҳои қиматноки давлатӣ мавриди баррасӣ қарор гирифтанд.
Дар анҷом ҷонибҳо барои идомаи ҳамкории созанда ва татбиқи муштараки ташаббусҳо дар самти идоракунии самараноки захираҳои байналмилалӣ изҳори омодагӣ намуданд.
АКС: Бонки миллии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
