Нушофарин Раҷабзода ғолиби даври шаҳрии Озмуни «Хонандаи сол – 2025» гардид
ДУШАНБЕ, 08.04.2026. /АМИТ «Ховар»/. Хонандаи синфи 10-и Муассисаи давлатии таълимии «Мактаби байналмилалии президентӣ» аз ноҳияи Сино Нушофарин Раҷабзода ғолиби даври шаҳрии Озмуни «Хонандаи сол – 2025» гардид. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Озмун дар асоси Қарори Раиси шаҳри Душанбе баргузор гардида, дар даври ноҳиявии он хонандаи синфи 9-и Муассисаи таҳсилоти миёнаи умумии №21 аз ноҳияи Шоҳмансур Гурдофарид Шерова, хонандаи синфи 11-и Муассисаи таҳсилоти миёнаи умумии №17-и ноҳияи Фирдавсӣ Юсуф Давлатёров, хонандаи синфи 10-и Литсейи №3 барои хонандагони болаёқати шаҳри Душанбе Озода Шомадзода аз ноҳияи Исмоили Сомонӣ ва хонандаи синфи 10-и Муассисаи давлатии таълимии «Мактаби байналмилалии президентӣ» аз ноҳияи Сино Нушофарин Раҷабзода иштирок намуданд.
Озмуни шаҳрии «Хонандаи сол – 2025» 6-7 апрели соли 2026 дар Муассисаи давлатии «Маркази кӯдакон ва наврасони шаҳри Душанбе» баргузор гардид. Шартҳои озмун дар қисмати аввали 6 апрел аз корҳои тестӣ ва дар қисмати дуюми рӯз аз корҳои хаттӣ аз фанҳои таълимӣ иборат буд, ки гузаронида шуданд. Дар рӯзи дуюми озмун- 7 апрел ба намоиши дастовардҳо, маҳорати суханварӣ ва донишҳои назариявии хонандагон баҳо гузошта шуд.
Ёдовар мешавем, ки ғолиби Озмуни шаҳрии «Хонандаи сол – 2025» дар чорабинӣ бахшида ба Рӯзи пойтахт бо мукофоти пулӣ ва Ифтихорномаи Мақомоти иҷрояи ҳокимияти давлатии шаҳри Душанбе қадрдонӣ мегардад.
АКС: Сарраёсати маорифи шаҳри Душанбе
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
Намояндагони Сафорати Тоҷикистон дар Донишгоҳи политехникии Москва бо донишҷӯёни тоҷик вохӯрӣ намуданд
Дар Донишгоҳи миллии Тоҷикистон оид ба ҷашни 40-солагии Истиқлоли давлатӣ ва фарҳанги истифодаи неруи барқ ҳамоиш доир шуд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои илмии вилояти Хуросони Разавии Эрон тақвият меёбад
