Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
ДУШАНБЕ, 29.04.2026 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон масъалаи баланд бардоштани сатҳу сифати зиндагии аҳолиро яке аз афзалияти аввалиндараҷаи сиёсати иқтисодию иҷтимоии давлат муайян карда, барои рушди самтҳои гуногун тамоми имконоти мавҷударо сафарбар менамоянд.
Дар ин раванд имзои фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» нишонаи возеҳи таваҷҷуҳи хосса ва ғамхории пайвастаи роҳбарияти олии давлат ба соҳаи технологияҳои муосир, рушди сармояи инсонӣ, қадами муҳим дар роҳи таҳкими иқтидори зеҳнии кишвар ва рақамисозии соҳаҳои ҳаёти мардум мебошад.
Фармони мазкур идомаи мантиқии сиёсати созандаи Ҳукумати мамлакат дар роҳи гузариш ба иқтисоди рақамӣ ва татбиқи “Стратегияи миллии рушди Ҷумҳурии Тоҷикистон барои давраи то соли 2030” мебошад.
Дар шароити ҷаҳонишавӣ ва гузариши босуръати иқтисодиёти ҷаҳон ба низоми рақамӣ ин иқдоми Пешвои миллат заминаи устувори ҳуқуқию молиявиро барои таҳкими иқтидори зеҳнии кишвар фароҳам оварда, бо назардошти таҷрибаи ҷаҳонӣ низоми ҳавасмандгардонии мутахассисони соҳаи технологияҳои иттилоотиро ба таври намоён тағйир медиҳад.
Фармон ҳадаф дорад, ки бо ҷалби кадрҳои баландихтисос ба хизмати давлатӣ рақобатпазирии бахши давлатиро дар бозори меҳнат таъмин намояд. Ин санад на танҳо масъалаи ҳавасмандгардонии моддӣ, балки суръат бахшидан ба равандҳои инноватсионӣ, дастгирии омӯзгорони фанҳои рақамӣ, кафолати амнияти иттилоот ва соҳибихтиёрии технологии Тоҷикистонро дар марҳилаи нави рушд фаро мегирад.
Бо қабули санади мазкур низоми нави ҳавасмандгардонӣ ҷорӣ мегардад, ки он на танҳо ба собиқаи корӣ, балки бевосита ба салоҳияти касбӣ ва сертификатсияи байналмилалии корманд вобастагӣ дорад. Ин иқдом барои ташкили ҳукумати электронӣ ва таъмини амнияти иттилооти кишвар заминаи устувор фароҳам меорад.
Маблағгузории маоши зиёдшуда пурра аз ҳисоби маблағҳои буҷети давлатӣ таъмин карда мешавад.
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
