Соли равон соҳибкорони Тоҷикистон ба маблағи 71,3 миллион сомонӣ андоз супориданд
ДУШАНБЕ, 01.04.2026. /АМИТ «Ховар»/. Дар ду моҳи соли равон аз ҷониби соҳибкорони инфиродӣ ба буҷети давлатӣ ба маблағи 71,3 миллион сомонӣ андоз ворид гардид.
Тибқи иттилои Кумитаи андози назди Ҳукумати Ҷумҳурии Тоҷикистон, ба ҳолати 1 марти соли равон дар мақомоти ҳудудии андоз 58 ҳазору 268 соҳибкори инфиродӣ дар асоси патент ва 67 ҳазору 607 нафар тибқи шаҳодатномаи бо шартҳои махсус фаъолияткунанда ба қайди давлатӣ гирифта шуданд. Шумораи соҳибкорон нисбат ба ҳамин давраи соли 2025 10 ҳазору 233 нафар ва маблағи воридоти андозҳо мутаносибан 12,1 миллион сомонӣ бештар ҷамъоварӣ карда шуд.
Ҳарчанд шумора ва маблағи воридоти андозҳо дар 2 моҳи соли 2026 дар мақомоти ҳудудии андоз афзоиш ёфтааст, аммо дар баъзе аз шаҳру ноҳияҳо маблағи воридоти андозҳо кам шудааст. Аз ҷумла, камшавии маблағи андозҳо аз ҳисоби патент ва шаҳодатнома бо шартҳои махсус асосан ба шаҳру ноҳияҳои Шоҳмансур (92 ҳазор сомонӣ), Сино (407,8 ҳазор сомонӣ), Турсунзода (151 ҳазор сомонӣ), Варзоб (39 ҳазор сомонӣ), Вахш (171 ҳазор сомонӣ), Ванҷ (72 ҳазор сомонӣ) ва Хоруғ (21 ҳазор сомонӣ) рост меояд. Дар ин давра камшавии шумораи соҳибкорони инфиродии дар асоси патент ва шаҳодатнома бо шартҳои махсус фаъолияткунанда низ дар чанд шаҳру ноҳияҳои мамлакат мушоҳида мешавад. Аз ҷумла, дар шаҳру ноҳияҳои Шоҳмансур (145 нафар), Сино (637 нафар), Турсунзода (283 нафар), Лахш (31 нафар), Данғара (14 нафар), Ёвон (8 нафар) ва Бӯстон (11 нафар).
Иҷрои нақшаи пешбинишуда дар 2 моҳи соли равон дар ҷумҳурӣ маҷмуан ба андозаи 72,9 фоиз таъмин шудааст. Ин нишондод аз ҳисоби соҳибкорони дар асоси патент фаъолияткунанда мутаносибан дар ҳаҷми 64,6 фоиз ва аз ҳисоби соҳибкорони тибқи шаҳодатнома бо шартҳои махсус фаъолияткунанда дар ҳаҷми 75,7 фоиз иҷро гардидааст.
Нишондиҳандаи пешбинишуда дар шаҳри Душанбе 59,4 фоиз, Вилояти Мухтори Кӯҳистони Бадахшон 71,8 фоиз, вилояти Суғд 84,7 фоиз, вилояти Хатлон 70,7 фоиз ва дар шаҳру ноҳияҳои тобеи ҷумҳурӣ дар маҷмуъ 64,1 фоиз таъмин гардидааст. Дар 2 моҳи соли 2026 маблағҳои ҳисобшудаи андозҳо аз ҳисоби соҳибкорони инфиродии дар асоси патент ва шаҳодатнома бо шартҳои махсус фаъолияткунанда 75,2 миллион сомониро ташкил дода, маблағи андозҳои ба буҷет воридшуда ба 71,3 миллион сомонӣ баробар мебошад, ки тафовути маблағи андозҳои ба буҷет вориднашуда аз ин ҳисоб 3,9 миллион сомониро ташкил медиҳад.
АКС: АМИТ «Ховар»
20 май — Рӯзи умумиҷаҳонии метрология: дар Тоҷикистон соҳаи метрология рушд меёбад
Раванди ислоҳоти низоми гумрукӣ ва татбиқи барномаҳои рақамикунонӣ бо Бонки ҷаҳонӣ баррасӣ шуд
Масоили омодагӣ ба баргузории Конфронси чоруми байналмилалии сатҳи баланд оид ба об баррасӣ гардид
Ҳайати Тоҷикистон дар саммити роҳбарони Форуми ҷаҳонии шаҳрҳо (WUF13) дар Боку иштирок намуд
Муовини Сарвазири Тоҷикистон бо фаъолияти кишоварзони ноҳияи Фархор шинос шуд
Дар Нишасти Гурӯҳи дӯстони пиряхҳо ташаббусҳои глобалии Тоҷикистон оид ба об ва ҳифзи пиряхҳо баррасӣ шуданд
Бонки миллии Тоҷикистон лоиҳаи озмоишии андозбандии соҳибкорони инфиродиро шарҳ медиҳад
Дар Душанбе рақамикунонии хизматрасониҳои молиявӣ, рушди қарздиҳии ипотекӣ ва маблағгузории «сабз» баррасӣ шуд
Тоҷикистон ба қатори 3 давлати пешсафи ислоҳотгари соҳаи савдо дар минтақаи Аврупо ва Осиёи Марказӣ дохил шуд
Ҳайати Тоҷикистон дар ҷаласаи 17-уми Гурӯҳи баррасии татбиқи Конвенсияи СММ оид ба мубориза бо коррупсия иштирок дорад
Муовини Сарвазири Тоҷикистон бо ҳолати фаъолияти пойгоҳи обкашии №17 дар ноҳияи Ёвон шинос шуд
Дар Бонки миллии Тоҷикистон тағйироти охирин дар Стандартҳои байналмилалии ҳисоботи молиявӣ баррасӣ гардид
