Вазири адлияи Тоҷикистон бо Комиссари Олии СММ оид ба ҳуқуқи инсон мулоқот намуд
ДУШАНБЕ, 13.04.2026 /АМИТ «Ховар»/. 13 апрел дар шаҳри Женеваи Конфедератсияи Швейтсария мулоқоти Вазири адлияи Ҷумҳурии Тоҷикистон Музаффар Ашуриён бо Комиссари Олии Созмони Милали Муттаҳид (СММ) оид ба ҳуқуқи инсон Фолкер Турк баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Конфедератсияи Швейтсария хабар доданд, зимни мулоқот масъалаҳои ҳолати кунунӣ ва дурнамои рушди ҳамкории Тоҷикистон бо Дафтари Комиссари Олии Созмони Милали Муттаҳид оид ба ҳуқуқи инсон, инчунин дастовардҳо ва иқдоми минбаъдаи кишвар дар соҳаи таъмини ҳифзи ҳуқуқу озодиҳои инсон ва шаҳрванд баррасӣ карда шуданд.
Вазири адлия Музаффар Ашуриён иброз дошт, ки Тоҷикистон дар доираи расмиёти Шарҳи универсалии даврӣ муколамаи мунтазам ва созандаро идома дода, бо мақомоти шартномавӣ ва ниҳодҳои тахассусии Созмони Милали Муттаҳид ҳамкории зич дорад. Итминон дода шуд, ки Тоҷикистон минбаъд низ усулҳои эҳтиром ба ҳуқуқи инсон, волоияти қонун ва адолати иҷтимоиро риоя хоҳад кард.
Дар анҷоми вохӯрӣ омодагии ҷонибҳо барои таҳкими ҳамкории соҳавӣ ва татбиқи ҳадафу вазифаҳои Созмони Милали Муттаҳид дар соҳаи таъмини ҳифзи ҳуқуқи инсон изҳор гардид.
АКС: Сафорати Ҷумҳурии Тоҷикистон дар Конфедератсияи Швейтсария
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
