Ассотсиатсияи миллии сайёҳии Тоҷикистон таъсис дода шуд
ДУШАНБЕ, 12.06.2026 /АМИТ «Ховар»/. Ассотсиатсияи миллии сайёҳии Тоҷикистон таъсис дода шуд. Қарори дахлдор имрӯз зимни ҷаласаи намояндагони соҳаи сайёҳии Ҷумҳурии Тоҷикистон, ки бо иштироки роҳбарияти Кумитаи рушди сайёҳӣ, ширкатҳои сайёҳӣ, меҳмонхонаҳо, тарабхонаҳо, ширкатҳои ҳавопаймоӣ, истеҳсолкунандагони маҳсулоти армуғонӣ ва дигар намояндагони бахши сайёҳӣ дар шаҳри Душанбе баргузор гардид, қабул карда шуд, хабар медиҳад АМИТ «Ховар».
Аз рӯйи натиҷаи ҷаласа, 11 ширкат ҳамчун муассисони Ассотсиатсияи миллии сайёҳии Тоҷикистон интихоб гардида, ҳамзамон қарор оид ба шомил намудани дигар иштирокчиёни бозори сайёҳии мамлакат ба ҳайати ин ассотсиатсия қабул карда шуд.
Дар ҷараёни овоздиҳии ошкоро иштирокчиёни ҷаласа Умед Саидовро роҳбари Ассотсиатсияи миллии сайёҳии Тоҷикистон интихоб намуданд.
Зимни суханронӣ Умед Саидов таъсиси Ассотсиатсияи миллии сайёҳии Тоҷикистонро қадами муҳим дар самти муттаҳидсозии имконоти соҳа ва ташкили минбари ягона барои рушди сайёҳӣ арзёбӣ намуда, изҳор дошт, ки ассотсиатсия фаъолияти худро дар ҳамкорӣ бо Кумитаи рушди сайёҳии назди Ҳукумати Ҷумҳурии Тоҷикистон ба роҳ мемонад.
Таъкид гардид, ки фаъолияти ассотсиатсия ба рушди ҳамкории давлат ва бахши хусусӣ, ҳифзи манфиатҳои соҳибкорони соҳа, баланд бардоштани сифати хизматрасонии сайёҳӣ ва муаррифии имконияти сайёҳии Тоҷикистон дар арсаи байналмилалӣ равона мешавад.
Ассотсиатсияи миллии сайёҳии Тоҷикистон ҳамчун сохтори муттаҳидкунандаи иштирокчиёни бозори сайёҳии мамлакат фаъолият намуда, барои рушди устувори соҳа ва таҳкими рақобатпазирии маҳсулоти сайёҳии Тоҷикистон мусоидат хоҳад кард.
АКС: Ассотсиатсияи миллии сайёҳии Тоҷикистон
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
