Дар Душанбе ҷаласа оид ба таҳкими низоми огоҳсозии бармаҳал дар Тоҷикистон дар доираи ташаббусҳои СММ доир шуд
ДУШАНБЕ, 11.06.2026 /АМИТ «Ховар»/. Ҷаласаи дуюми ҳамоҳангсозӣ оид ба татбиқи Харитаи роҳ барои таҳкими низоми огоҳсозии бармаҳал дар Тоҷикистон барои солҳои 2024–2027 дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон баргузор гардид. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад.
Ҷаласа дар доираи ҳамкории Агентии обуҳавошиносӣ бо Дафтари Созмони Милали Муттаҳид оид ба коҳиши хатари офатҳо (UNDRR) дар ҳошияи ташаббуси ҷаҳонии «Огоҳсозии бармаҳал барои ҳама» (Early Warnings for All) доир гардида, дар он намояндагони вазорату идораҳои ҷумҳурӣ, созмонҳои байналмилалӣ, шарикони рушд ва муассисаҳои соҳавӣ иштирок намуданд.
Иштирокдорони ҷаласа иҷрои чорабиниҳои чор ҷузъи Харитаи роҳ, аз ҷумла рушди мониторинги обуҳавошиносӣ, такмили низомҳои пешгӯӣ ва огоҳсозӣ, таҳкими иқтидори институтсионалӣ ва ҳамкории байниидоравиро баррасӣ намуданд.
Таваҷҷуҳи махсус ба татбиқи чорабиниҳои ҷузъи 2-такмили низомҳои пешгӯӣ ва огоҳсозӣ дода шуд, ки масъули он Агентии обуҳавошиносӣ дониста шуда, натиҷаҳои гузориши таҳлилиро оид ба ҳолати иҷрои чорабиниҳо барои давраи солҳои 2024–2026 пешниҳод намуд.
Тибқи гузориш дар ҷумҳурӣ корҳои густариши шабакаи мушоҳидаҳо, рушди низомҳои муосири мониторинг ва такмили технологияҳои пешгӯии зуҳуроти хатарноки обуҳавошиносӣ идома доранд. Дар рӯйхати натиҷаҳои бадастомада, ҷорӣ шудани низоми «SMARTMET Alert», фаъолияти низомҳои огоҳсозии бармаҳали «CAFEWS» ва «CARFFGS», барқарорсозии дидбонгоҳҳои обсанҷӣ, инчунин густариши ҳамкорӣ бо шарикони байналмилалӣ, аз ҷумла СУО, Бонки Осиёии рушд ва «ECMWF» таъкид гардиданд.
Дар баробари ин, иштирокдорони ҷаласа зарурати таҳкими минбаъдаи ҳамоҳангии байниидоравӣ, рақамисозии маълумоти обуҳавошиносӣ, ҷорӣ намудани низоми бисёрхатари огоҳсозии бармаҳал (MHEWS), рушди пешгӯии ба таъсир асосёфта (IBF) ва ҷалби дастгирии иловагии техникӣ ва молиявиро иброз намуданд.
Ҷаласа аҳамияти таҳкими минбаъдаи низоми миллии огоҳсозии бармаҳалро ҳамчун яке аз воситаҳои калидии таъмини рушди устувор, ҳифзи аҳолӣ ва баланд бардоштани устувории Ҷумҳурии Тоҷикистон ба хатарҳои иқлимӣ ва табиӣ тасдиқ намуд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
