Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
ДУШАНБЕ, 26.06.2026 /АМИТ «Ховар»/. 25 июн дар шаҳри Душанбе бо ташаббуси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таҳти унвони «Нақши таърихии Пешвои миллат дар барқарорӣ ва таҳкими сулҳу ваҳдати миллӣ» конференсияи илмию амалии ҷумҳуриявӣ баргузор гардид.
Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ иброз дошт, ки ваҳдати миллӣ яке аз муҳимтарин дастовардҳои даврони соҳибистиқлолии мамлакат ба шумор рафта, маҳз бо иродаи қавӣ, хиради сиёсӣ ва талошҳои пайгиронаи Президенти ҷумҳурӣ муҳтарам Эмомалӣ Раҳмон мардуми Тоҷикистон аз вартаи ҷанги шаҳрвандӣ раҳоӣ ёфта, ба сӯи созандагиву бунёдкорӣ қадам гузоштанд.
Иброз гардид, ки имзои Созишномаи умумии истиқрори сулҳ ва ризоияти миллӣ барои таърихи давлатдории навини тоҷикон саҳифаи тозаеро боз намуда, заминаҳои мусоиди рушду пешрафти тамоми соҳаҳои ҳаёти ҷомеаро фароҳам овард. Имрӯз Тоҷикистон ҳамчун давлати сулҳпарвару ташаббускор дар арсаи байналмилалӣ шинохта шуда, таҷрибаи сулҳи тоҷикон мавриди омӯзиши ҷомеаи ҷаҳонӣ қарор дорад.
Дар ҳамоиш академик Кароматулло Олимов оид ба аҳамияти таърихӣ ва сиёсии Ваҳдати миллӣ маърӯза намуда, нақши Пешвои миллатро дар таҳкими пояҳои давлатдории миллӣ, ҳифзи арзишҳои фарҳангӣ ва рушди маънавии ҷомеа махсус таъкид кард. Ба гуфтаи ӯ, сулҳу субот ва ваҳдати миллӣ барои пешрафти илм, маориф, фарҳанг ва иқтисодиёти ҷумҳурӣ шароити мусоид фароҳам овардааст.
Дар конференсия иштирокдорон дар маърузаҳояшон масъалаҳои вобаста ба таҳкими сулҳу субот, тарбияи ватандӯстии ҷавонон, нақши муассисаҳои таълимӣ дар тарғиби арзишҳои миллӣ ва омӯзиши таҷрибаи нодири сулҳи тоҷиконро мавриди баррасӣ қарор доданд.
Таъкид шуд, ки имрӯз вазифаи ҳар як шаҳрванди ҷумҳурӣ, бахусус омӯзгорону ҷавонон, ҳифз ва таҳкими Ваҳдати миллӣ, арҷгузорӣ ба сулҳу субот ва идомаи сиёсати созандаи Пешвои миллат мебошад. Зеро маҳз дар фазои сулҳу оромӣ имкониятҳои васеи рушд ва пешрафти тамоми соҳаҳои ҷомеа таъмин мегарданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
