Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
ДУШАНБЕ, 09.06.2026 /АМИТ «Ховар»/. Намояндагони Сафорати Ҷумҳурии Тоҷикистон дар Ҷумҳурии Озарбойҷон дар 14-умин Фестивали байналмиллалии фарҳангӣ, ки бо ташаббуси Донишгоҳи ADA-и Озарбойҷон баргузор карда шуд, иштирок намуданд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Озарбойҷон хабар доданд, ҳадаф аз баргузор намудани фестивал муаррифии таърих, фарҳанг, санъат ва таомҳои миллии давлатҳои хориҷӣ буд.
Дар ҳошияи фестивал дар қатори дигар давлатҳо гӯшаи миллии Тоҷикистон иборат аз намунаи ҳунарҳои пурғановати мардумӣ, аз ҷумла сузанӣ, туҳфаҳои хотиравӣ аз сафол ва чӯб, сангҳои рангаи Тоҷикистон ва маводи чопӣ оид ба имкониятҳои сайёҳии мамлакат ба намоиш гузошта шуда, дар қисми дигари ин гӯша дастархони тоҷикӣ иборат аз хӯрокҳои миллӣ ороста шуданд.
Дар фарҷоми чорабинӣ барномаи консертӣ бо муаррифии суруду рақсҳои миллии мамлакатҳои мухталиф баргузор шуда, дар он рақси миллии тоҷикӣ низ намоиш дода шуд.
Дар чорабинӣ як қатор сафоратҳои муқими Ҷумҳурии Озарбойҷон, устодон ва донишҷуёни ин донишгоҳ ва намояндагони воситаҳои ахбори омма иштирок намуданд.
АКС: Сафорати Ҷумҳурии Тоҷикистон дар Ҷумҳурии Озарбойҷон
Дар Вазорати корҳои хориҷӣ бахшида ба 35-солагии Истиқлоли давлатӣ чорабинии тантанавӣ баргузор гардид
Китоби «Тоҷикон»-и Бобоҷон Ғафуров ба забони олмонӣ нашр гардид
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
