Маҷлиси умумии солонаи саҳмдорони Неругоҳи барқи обии «Роғун» баргузор шуд
ДУШАНБЕ, 11.06.2026 /АМИТ «Ховар»/. Имрӯз таҳти раёсати Сарвазири Ҷумҳурии Тоҷикистон, раиси Шурои нозирони Ҷамъияти саҳомии кушодаи «Неругоҳи барқи обии Роғун» Қоҳир Расулзода маҷлиси умумии солонаи саҳмдорони ин иншооти бузурги аср баргузор шуд, хабар медиҳад АМИТ «Ховар».
Дар маҷлис аъзои Шурои нозирон, ситоди ҷумҳуриявӣ оид ба сохтмон ва ба истифода супурдани иқтидорҳои неругоҳ, котиботи Шурои нозирон, саҳмдорон ва роҳбарияти вазорату идораҳо иштирок намуданд.
Аз рӯи рӯзнома 9 масъала, аз ҷумла ҳисоботи директори генералии Ҷамъияти саҳомии кушодаи «Неругоҳи барқи обии Роғун» вобаста ба фаъолияти ҷамъият дар соли 2025, масъалаи зиёд намудани сармояи оинномавӣ, ҳисоботи комиссияи тафтишотӣ, хулосаи аудитор барои соли 2025, интихоби аъзои Шурои нозирон ва аъзои комиссияҳои тафтишотӣ ва баҳисобгирии Ҷамъияти саҳомии кушодаи «Неругоҳи барқи обии Роғун» баррасӣ гардиданд.
Сарвазири мамлакат Қоҳир Расулзода иброз намуд, ки Неругоҳи барқи обии «Роғун» маҳз бо талошу заҳматҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бунёд шуда истода, ба «Кохи нури миллат» ва рамзи истиқлолияти энергетикии Тоҷикистон табдил ёфт.
Бо назардошти баланд шудани сатҳи оби обанбори неругоҳ соли 2025 истеҳсоли қувваи барқ низ нисбат ба солҳои қаблӣ зиёд гардида, барои расидан ба яке аз ҳадафҳои асосии Ҳукумати мамлакат — таъмини истиқлолияти комили энергетикӣ қадами муҳим гузошта шуд.
Иттилоъ дода шуд, ки истеҳсоли қувваи барқ дар неругоҳ соли 2025 зиёда аз 1,6 миллиард килловат/соатро ташкил дод, ки нисбат ба соли 2024 400 миллион килловат/соат зиёд аст.
Таъкид гардид, ки Ҳукумати ҷумҳурӣ ҳамасола аз ҳисоби Буҷети давлатӣ барои сохтмони Неругоҳи барқи обии «Роғун» маблағҳои заруриро пешбинӣ менамояд. Танҳо соли 2025 барои идомаи корҳои сохтмонӣ аз ҳисоби ҳамаи сарчашмаҳо зиёда аз 8,2 миллиард сомонӣ равона гардидааст.
Дар идома аъзои Шурои нозирони Ҷамъияти саҳомии кушодаи «Неругоҳи барқи обии Роғун» дар ҳайати 13 нафар ва комиссияи тафтишотии ҷамъият иборат аз 5 нафар тасдиқ гардиданд.
Ҳамчунин вобаста ба масъалаҳои баррасигардида қарорҳои дахлдор кабул карда шуданд.
АКС: АМИТ «Ховар»
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
НИШАСТИ МАТБУОТӢ. Дар Хатлон маҷмуи маҳсулоти минтақавӣ ба 19,9 миллиард сомонӣ баробар шуд
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
