Нақшаи рушди низоми энергетикии Вилояти Мухтори Кӯҳистони Бадахшон муаррифӣ гардид
ДУШАНБЕ, 07.06.2026 /АМИТ «Ховар»/. Дар шаҳри Душанбе «Нақшаи рушди низоми энергетикии Вилояти Мухтори Кӯҳистони Бадахшон (Power System Plan – PSP) барои солҳои 2025-2050» расман муаррифӣ гардид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
«Нақшаи рушди низоми энергетикии Вилояти Мухтори Кӯҳистони Бадахшон барои солҳои 2025-2050» бо ибтикори Вазорати энергетика ва захираҳои оби Ҷумҳурии Тоҷикистон дар ҳамкорӣ бо Иттиҳоди байналмилалии устувории гидроэнергетика (Hydropower Sustainability Alliance – HSA) муаррифӣ гардида, дар маросими он намояндагони вазорату идораҳои марбута, роҳбарияти Ҷамъияти саҳомии кушодаи «Помир Энерҷӣ», шарикони рушд ва коршиносон ҳузур доштанд.
Муовини Вазири энергетика ва захираҳои об Манучеҳр Сафарзода зимни муаррифии нақша иброз намуд, ки он танҳо як ҳуҷҷати техникӣ набуда, балки дурнамои дарозмуддати мо барои расидан ба истиқлоли энергетикӣ ва гузариш ба иқтисоди «сабз» мебошад.
Гуфта шуд, ки ин ҳуҷҷат анҷоми муваффақонаи барномаи васеи сесолаи таҳкими иқтидор дар бахши энергетикаи Тоҷикистонро, ки бо дастгирии молиявии Котиботи давлатии Швейтсария оид ба масъалаҳои иқтисодӣ (SECO) амалӣ гардид, таҷассум менамояд.
Дар маросими муаррифӣ, инчунин натиҷаҳои нодири харитасозии фазоӣ (spatial mapping) пешниҳод гардиданд, ки имкон медиҳанд банақшагирии иқтидорҳои нави энергетикӣ бо назардошти стандартҳои қатъии байналмилалии экологӣ ва иҷтимоии устуворӣ беҳтар ба роҳ монда шавад.
Интизор меравад, ки Гурӯҳи кории байниидоравии HydroSelect ба маҳалли лоиҳавии Неругоҳи барқи обии «Айнӣ» сафари саҳроӣ анҷом диҳанд.
АКС: Вазорати энергетика ва захираҳои оби Ҷумҳурии Тоҷикистон
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
