Соли равон аз Тоҷикистон қариб 37 ҳазор тонна меваи хушк содирот гардидааст
ДУШАНБЕ, 30.06.2026 /АМИТ «Ховар»/. Дар панҷ моҳи соли 2026 аз Ҷумҳурии Тоҷикистон ба хориҷи мамлакат наздик ба 37 ҳазор тонна меваи хушк содирот карда шуд, ки беш аз 11 ҳазор тоннаашро зардолуи хушк ташкил медиҳад. Инчунин дар ин давра 1200 тонна зардолуи тар содирод карда шудааст. Дар ин хусус ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд.
Соли 2025 аз мамлакат ба хориҷ 104 ҳазор тонна меваи хушк содирот шуд, ки аз он 31 ҳазор тоннааш зардолу мебошад. Инчунин дар давоми соли 2025 ба миқдори 6,5 ҳазор тонна зардолуи тар содирот гардидаст.
Бояд гуфт, ки бинобар боло рафтани арзиши зардолуи хушк дар бозорҳои хориҷӣ, сол аз сол содироти он афзоиш ёфтааст. Аз нигоҳи иқтисодӣ содироти маҳсулоти хушк барои захира ва нигоҳдорӣ ва баланд арзёбӣ гардидани арзиши он бартарият дорад.
Содироти маҳсулоти кишоварзӣ ба рушди иқтисодиёти мамлакат мусоидат намуда, барои таъсиси ҷойҳои нави корӣ ва ҷалби сармоя ба болоравии сатҳи зиндагии аҳолӣ таъсир мегузорад.
Тавре қаблан иттилоъ дода будем, дар мамлакат лоиҳаи Қонуни Ҷумҳурии Тоҷикистон «Дар бораи дастгирии содирот» таҳия карда шуд. Қабули қонун дар оянда барои пешбурди содирот, ҳавасмандгардонии ҳамаҷонибаи содироти маҳсулоти ниҳоӣ ва иштирок дар занҷираҳои арзиши иловашуда дар минтақа, баланд бардоштани ҷолибияти сармоягузорӣ ба соҳаҳои ба содирот нигаронида, дарёфти бозорҳои нав, дарёфти роҳҳои такмили инфрасохтори нақлиётӣ ва логистикӣ мусоидат менамояд.
Инчунин бо Қарори Ҳукумати Ҷумҳурии Тоҷикистон моҳи ноябри соли 2025 «Барномаи давлатии рушди содироти Ҷумҳурии Тоҷикистон барои солҳои 2026-2030» тасдиқ гардид.
АКС: АМИТ «Ховар»
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
