Табибони тоҷик дар Туркия малакаи касбиии худро такмил медиҳанд

ДУШАНБЕ, 10.06.2026 /АМИТ «Ховар»/. 8 июн табибони тоҷик дар Ҷумҳурии Туркия ба такмили ихтисос оғоз намуданд, ки он то 12 июн идома меёбад. Зимни машғулиятҳои омӯзишӣ онҳо арзёбии саривақтии вазъи эпидемиологӣ ва дигар масъалаҳои соҳаи тандурустиро мавриди баррасӣ қарор медиҳанд.

Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд, табибони ду давлат доир ба аҳамияти таҳкими омодагӣ ва ҳамоҳангсозии сохторҳои дахлдор дар ҳолатҳои хуруҷи бемориҳои сироятӣ мубодилаи афкор намуданд.

Инчунин дар вохӯрии табибон ба масъалаҳои ҳамоҳангсозии фаъолияти хадамоти назоратӣ, лабораторӣ ва клиникӣ, мубодилаи иттилоот ва муайян намудани мушкилоту монеаҳои мавҷуда диққати махсус зоҳир намуданд. Дар натиҷаи муҳокимаҳо пешниҳодҳо ва тавсияҳои амалӣ барои такмили низоми миллии омодагӣ ва вокуниш ба бемориҳои сироятӣ таҳия карда шуданд.

Мавриди тазаккур аст, ки дар доираи ҳамкории​ мутақобилан судманди Ҳукумати Ҷумҳурии Тоҷикистон бо давлатҳои ҷаҳон табибони тоҷик донишу малакаи касбии худро дар хориҷа такмил медиҳанд. Он баро рушди иқтидори мутахассисон ва таҳкими низоми амнияти тандурустии ҷамъиятӣ мусоидат хоҳад намуд.

АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон