Вазирони энергетикаи Тоҷикистон ва Қирғизистон лоиҳаҳои «CASA-1000» ва «REMIT»-ро дар Бишкек баррасӣ намуданд
ДУШАНБЕ, 19.06.2026 /АМИТ «Ховар»/. Вазирони энергетикаи Тоҷикистон ва Қирғизистон лоиҳаҳои «CASA-1000» ва «REMIT»-ро дар Бишкек баррасӣ намуданд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Тибқи иттилои манбаъ, дар шаҳри Бишкек Вазири энергетика ва захираҳои оби Ҷумҳурии Тоҷикистон Далер Ҷумъа бо Вазири навтаъини энергетикаи Ҷумҳурии Қирғизистон Алтинбек Рисбеков мулоқот намуда, сатҳи кунунӣ ва дурнамои рушди ҳамкории дуҷонибаро баррасӣ намуданд.
Инчунин ҷонибҳо оид ба лоиҳаи минтақавии интиқоли неруи барқи «CASA-1000», лоиҳаи «REMIT» -бозори минтақавии неруи барқ ва савдои барқ дар Осиёи Марказӣ, табодули таҷрибаи мутахассисон, истифодаи таҷрибаи Тоҷикистон дар бунёди неругоҳҳои барқи обӣ ва дигар масъалаҳои соҳавӣ табодули афкор намуданд.
Мусоҳибон ҳамзамон аҳамияти таҳкими муносибатҳоро барои таъмини амнияти энергетикӣ, рушди бозори минтақавии неруи барқ ва истифодаи имкониятҳои мавҷудаи энергетикии давлатҳоро таъкид намуда, омодагии худро барои идомаи муколамаи созанда ва густариши ҳамкории минбаъда изҳор доштанд.
АКС: Вазорати энергетика ва захираҳои оби Ҷумҳурии Тоҷикистон
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар Конибодом ҷамъоварии пахта ва кишти такрорӣ идома дорад
Дар сардхонаҳо ва анборхонаҳои Тоҷикистон 12 ҳазор тонна ғалладонагиҳо захира гардидаанд
Дар вилояти Суғд беш аз 33 фоизи нақшаи ҷамъоварии пахта иҷро гардидааст
Дар Тоҷикистон имсол ангишт бештар истихроҷ гардидааст
Дар Тоҷикистон истеҳсоли гӯшти паранда беш аз 7 фоиз зиёд шудааст
