Дар Суғд 12 ҳазор иншооти ҷашнӣ пеш аз муҳлат навсозӣ, таъмир ва бунёд карда шуданд
ДУШАНБЕ, 25.08.2026 /АМИТ «Ховар»/. Дар доираи омодагӣ ба ҷашни 35-солагии Истиқлолияти давлатӣ дар вилояти Суғд 12 ҳазор иншооти таъйиноташон гуногун пеш аз муҳлат навсозӣ, таъмир ва бунёд карда шуданд.
Тавре ба АМИТ «Ховар» аз хадамоти матбуоти Раиси вилояти Суғд иттилоъ доданд, корҳои сохтмонии ин иншоот бо саҳми сокинон, соҳибкорон, шахсони саховатманд ва дастгирии давлату Ҳукумат амалӣ гардид. Танҳо дар солҳои 2022-2025 ва шаш моҳи соли 2026 дар шаҳру ноҳияҳои вилоят қариб 14 ҳазору 400 иншоот сохта, аз нав барқарор ва таъмир карда шуда, дар зиёда аз 3 ҳазор иншооти дигар корҳои сохтмонӣ идома доранд.
Ҳангоми бунёду навсозии иншоот ба сифати корҳои сохтмонӣ, истифодаи масолеҳи босифат, риояи меъёрҳои меъмориву шаҳрсозӣ ва ободонии муҳити атроф таваҷҷуҳи аввалиндараҷа дода шуд. Зеро бунёди иншооти нав на танҳо ба беҳтар гардидани симои шаҳру ноҳияҳо мусоидат мекунад, балки барои фароҳам овардани ҷойи нави кор ва беҳтар намудани сатҳи зиндагии аҳолӣ замина мегузорад.
Дар доираи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ (2026) масъулини Мақомоти иҷроияи ҳокимияти давлатии вилояти Суғд вазифадор гардиданд, ки ташаббусҳои бунёдкоронаи сокинонро дастгирӣ намуда, иҷрои босифати нақшаҳои ободониро то ҷашни 35-солагии Истиқлолияти давлатӣ таъмин намоянд.
АКС: Хадамоти матбуоти Раиси вилояти Суғд
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
Сарвари давлат Эмомалӣ Раҳмон дар ноҳияи Восеъ ба таври фосилавӣ 20 иншооти таъиноташон гуногун ва 70 километр роҳҳои маҳаллиро мавриди баҳрабардорӣ қарор доданд
Пешвои миллат Эмомалӣ Раҳмон дар ноҳияи Восеъ бинои Меҳмонхона ва Маркази хизматрасонии «Эҳсон»-ро ба истифода доданд
Дар шаҳри Москва 35-солагии Истиқлоли давлатии Тоҷикистон таҷлил намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои Беморхонаи хусусии «Тибби Ҳулбук»-ро мавриди истифода қарор доданд
Сарвари давлат Эмомалӣ Раҳмон бо сафари корӣ ба ноҳияи Восеъ ташриф оварданд
