Дар Берлин 35-солагии Истиқлоли давлатии Ҷумҳурии Тоҷикистонро таҷлил намуданд
ДУШАНБЕ, 12.09.2026 /АМИТ «Ховар»/. Дар шаҳри Берлин 35-солагии Истиқлоли давлатии Ҷумҳурии Тоҷикистонро бошукуҳ таҷлил намуданд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Олмон хабар доданд.
Дар чорабинии идона намояндагони мақомоти давлатии Олмон, вакилони Бундестаг, аъзои корпуси дипломатии муқими Берлин, доираҳои иқтисодию фарҳангӣ, намояндагони расонаҳо ва ҳамватанони муқими Олмон иштирок намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Федеративии Олмон Имомудин Сатторов оид ба роҳи тайкардаи мамлакат дар 35 соли соҳибистиқлолӣ, таҳкими давлатдорӣ, таъмини сулҳу субот ва дастовардҳои рушди иқтисодию иҷтимоӣ таҳти роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон сухан гуфт. Ҳамзамон ба рушди муносибатҳои Тоҷикистону Олмон давоми беш аз се даҳсола, саҳми ҳамкории рушд ва муколамаи сиёсӣ дар таҳкими робитаҳои дуҷониба, инчунин дурнамои густариши ҳамкорӣ дар соҳаҳои иқтисоду сармоягузорӣ, энергетика, муҳити зист, илму маориф ва робитаҳои байни мардумон таваҷҷуҳ зоҳир гардид.
Вазири давлатии Вазорати федералии корҳои хориҷии Олмон Гунтер Крихбаум мардуми Тоҷикистонро ба муносибати 35-солагии Истиқлоли давлатӣ табрик гуфт ва ба таҳкими минбаъдаи муносибатҳои Тоҷикистону Олмон ва густариши ҳамкории дуҷониба таманниёти нек баён намуд.
Барномаи тантанавии чорабинӣ бо иҷрои сурудҳои миллии Ҷумҳурии Тоҷикистон ва Ҷумҳурии Федеративии Олмон аз ҷониби пианинонавози Балети давлатии Берлин Нодира Бурҳонова оғоз ёфт.
Дар доираи чорабинӣ ҳамчунин намоишгоҳи фарҳангӣ баргузор гардида, тавассути намунаҳои ҳунарҳои мардумӣ, китобҳо ва аксҳо таъриху фарҳанги ғанӣ, табиати нотакрор ва дастовардҳои Тоҷикистони соҳибистиқлол ба меҳмонон муаррифӣ карда шуданд.
АКС: Сафорати Ҷумҳурии Тоҷикистон дар Олмон
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Дар Ашхобод дурнамои рушди ҳамкории Тоҷикистону Туркманистон дар соҳаи нафту газ баррасӣ гардид
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Сафири Тоҷикистон дар Амороти Муттаҳидаи Араб дар брифинги оид ба раванди омодагӣ ба Конфронси оби СММ-2026 иштирок намуд
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат аз намоиши маҳсулоти кишоварзӣ, ҳунарҳои мардумӣ ва таомҳои миллӣ дидан намуданд
Пешвои миллат Эмомалӣ Раҳмон ба татбиқи лоиҳаи барқарорсозии роҳи мошингарди «Ваҳдат – Оби Гарм» оғоз бахшиданд
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
