Дар Ҳисор маркази забономӯзӣ, муассисаҳои таълимӣ ва нуқтаҳои тиббию дандонпизишкӣ ба истифода дода шуданд

ҲИСОР, 10.09.2026 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар ҷамоатҳои деҳоти Мирзо Турсунзода, Алмосӣ ва Сомони шаҳри Ҳисор Маркази забономӯзӣ, нуқтаҳои тиббӣ, дандонпизишкӣ, маҳсдармонӣ, бинои нави Муассисаи таҳсилоти миёнаи умумии №115, бинои иловагии Муассисаи таҳсилоти миёнаи умумии №117 ва бинои нави Муассисаи таҳсилоти миёнаи умумии №136 мавриди истифода қарор дода шуданд. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии шаҳри Ҳисор иттилоъ доданд.

Иншооти нав бо шароити муосир барои омӯзиши забонҳои хориҷӣ, хизматрасонии тиббӣ ва таълиму тарбияи насли наврас пешбинӣ гардида, барои баланд бардоштани сатҳи дониш ва малакаи забондонии сокинон, бахусус ҷавонону наврасон, солимии ҷомеа ва таълиму тарбияи ҷавонон имконияти мусоид фароҳам меорад.

Муассисаҳои таълимии деҳаи Ҳафттахтаи Ҷамоати деҳоти Алмосӣ, деҳаи Шоҳамбарии Ҷамоати деҳоти Сомон ва муассисаи таълимии деҳаи Чаманистони ин ҷамоат барои 480-нафарӣ дар ду баст бунёд гардидаанд. Ба ин восита мушкилоти норасоии ҷойи нишаст дар деҳаҳои мазкур пурра бартараф карда шуд.

Иброз гардид, ки бунёд ва мавриди истифода қарор гирифтани ин иншоот ба истиқболи ҷашни 35-солагии Истиқлоли давлатӣ барои беҳтар гардидани сатҳи зиндагии мардум ва рушди инфрасохтори маҳаллӣ заминаи мусоид фароҳам меорад.

АКС: Мақомоти иҷроияи ҳокимияти давлатии шаҳри Ҳисор