«Gulf News» мақолаи Сафири Тоҷикистонро оид ба ташаббусҳои Тоҷикистон дар рушди мероси тиббии Абуалӣ ибни Сино нашр намуд
ДУШАНБЕ, 21.09.2026 /АМИТ «Ховар»/. 20 сентябр мақолаи таҳлилии Сафири Фавқулода ва Мухтори Ҷумҳурии Тоҷикистон дар Амороти Муттаҳидаи Арабӣ Ашрафҷон Гулов таҳти унвони «Фасли нави ташаббусҳои Тоҷикистон барои густариши мероси тиббии Абуалӣ ибни Сино» дар нашрияи хабарӣ ва пойгоҳи иттилооти рақамии «Gulf News»-и аморотӣ нашр гардид.
Тавре ба АМИТ «Ховар» аз Сафорати Ҷумҳурии Тоҷикистон дар Амороти Муттаҳидаи Араб хабар доданд, мақола ба аҳаммияти таъсиси «Ҷоизаи байналмилалии Абуалӣ ибни Сино дар соҳаи тиб» аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ташаккули илми тиб ва равишҳои инноватсионии таҳқиқотӣ бахшида шудааст.
Маводи таҳлилии мазкур мавзуъҳои калидӣ, аз ҷумла зарурати эътирофи дастовардҳои барҷаста дар соҳаи тандурустӣ, дастгирии лоиҳаҳои марбут ба таҳқиқоти илмӣ, ҳавасмандгардонии олимони ҷавон дар сатҳи ҷаҳонӣ, пешбурди дипломатияи илмӣ, таҳкими мавқеи Тоҷикистон ҳамчун маркази мубодилаи илмиву фарҳангӣ, густариши ҳамкории байналмилалӣ ба хотири ҳалли мушкилоти умумии тиббии ҷаҳон ва пайвандсозии таърихи гузашта, замони муосир ва ояндаро арзёбӣ намудааст.
Ҳамчунин дар мақола ҳамоҳангии ҳадафҳои ҷоиза бо талошҳои васеътари байналмилалӣ барои ноил шудан ба Ҳадафи рушди устувори рақами 3 — «Таъмини ҳаёти солим ва мусоидат ба некӯаҳволӣ барои ҳама» инъикос ёфтааст.
Муаллиф таъкид кардааст, ки ташаббуси навбатии Тоҷикистон — таъсиси «Ҷоизаи байналмилалии Абуалӣ ибни Сино дар соҳаи тиб» ба ҷомеаи ҷаҳонӣ паёми равшане мерасонад, ки мардуми тоҷик посдори таърихи ғанӣ ва мероси илмие мебошанд, ки дар рушди тамаддуни башарӣ нақши бунёдӣ бозидааст.
Маълумоти муфассал дар пайванди электронии зерин дастрас мебошад.
АКС: Сафорати Ҷумҳурии Тоҷикистон дар Амороти Муттаҳидаи Арабӣ
Ҳамкории Тоҷикистону Кувайт дар бахши сармоягузорӣ баррасӣ гардид
Намояндаи Тоҷикистон дар ҷаласаи UNECE доир ба иқтисоди даврӣ иштирок намуд
Сафири Тоҷикистон бо устондори Муборак Ал-Кабири Кувайт вохӯрӣ намуд
Ташаббусҳои байналмилалии Тоҷикистон дар соҳаи обу иқлим дар Донишкадаи таҳсилоти обии Делфт муаррифӣ гардиданд
Рӯзи Президенти Ҷумҳурии Тоҷикистон, Конститутсия ва Парчами давлатӣ дар шаҳри Боку таҷлил карда шуд
Дар Донишгоҳи тиббии Исломобод «Рӯзи илми Сино» баргузор шуд
Сироҷиддин Муҳриддин дар Ҳамоиши байналмилалии таъмини амнияти дастҷамъӣ иштирок намуд
Ҳайати Тоҷикистон дар нишасти муштараки Созмони Аҳдномаи амнияти дастҷамъӣ иштирок намуд
Маҷаллаи «The Times Kuwait» зери унвони «Тоҷикистон: кӯлҳои кӯҳистонӣ, достонҳои куҳан ва меҳмоннавозии гарм» матлаб нашр кардааст
Сафири Тоҷикистон бо устондори Ал-Ҷаҳрои Кувайт вохӯрӣ намуд
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Дар шаҳри Путраҷая мулоқоти ҳайатҳои вазоратҳои корҳои хориҷии Тоҷикистон ва Малайзия баргузор шуд
