Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
ДУШАНБЕ, 18.09.2026 /АМИТ «Ховар»/. Намояндагони Корхонаи воҳиди давлатии «Тоҷикаэронавигатсия» дар Академияи давлатии авиатсияи Беларус бо донишҷӯёни тоҷике, ки дар ин академия таҳсил менамоянд, вохӯрда, оид ба раванди таълим, омодагии касбӣ ва масъалаҳои вобаста ба таҳсили онҳо суҳбат намуданд.
АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад, ки зимни вохӯрӣ бо масъулини Академияи давлатии авиатсияи Беларус масъалаҳои ҳамкории дуҷониба дар самти омодасозии мутахассисони соҳаи авиатсия барои Ҷумҳурии Тоҷикистон баррасӣ гардиданд.
Намояндагони «Тоҷикаэронавигатсия» инчунин бо имконоти таълимию техникии Академияи давлатии авиатсияи Беларус- дастгоҳҳои омӯзишии ҳавопаймоҳо ва воситаҳои муосири таълимию амалии соҳаи ташкили ҳаракати ҳавоӣ шинос шуданд.
Ҳамчунин аъзои ҳайат бо раванди таҳсил дар Академияи давлатии авиатсияи Беларус, омодасозии мутахассисони ояндаи соҳаи ташкили ҳаракати ҳавоӣ шинос шуда, раванди омӯзиши малакаҳои идоракунии ҳаракати ҳавоиро дар синфхонаҳои махсус мушоҳида намуданд.
Омодасозии кадрҳои баландихтисос яке аз самтҳои муҳими фаъолияти Корхонаи воҳиди давлатии «Тоҷикаэронавигатсия» мебошад. Дар ин замина бо мақсади таъмини соҳа бо мутахассисони ҷавон ва баландихтисос ҳамкории корхона бо муассисаҳои таълимии соҳавӣ таҳким меёбад.
Дар анҷоми вохӯриҳо ҷонибҳо дурнамои густариши ҳамкориро дар самти омодасозии мутахассисони соҳаи авиатсия баррасӣ намуданд.
АКС: Корхонаи воҳиди давлатии «Тоҷикаэронавигатсия»
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
Дар мавзуи «Портали ягонаи хизматрасониҳои давлатӣ ва ҳукумати электронӣ» ҳамоиш доир шуд
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
Байни Бонки миллии Тоҷикистон ва Воҳиди кашшофии молиявии Ҷумҳурии Корея санади ҳамкорӣ ба имзо расид
