Дар шаҳри Новосибирск ба истиқболи 25- солагии Истиқлолияти Тоҷикистон барои муҳоҷирони меҳнатӣ хобгоҳи замонавӣ ба истифода дода шуд

Август 27, 2016 09:41

Душанбе, 27.08.2016. /АМИТ «Ховар»/. Бо ташаббуси  шаҳрвандони  фаъолу ватандӯсти тоҷик бахшида ба ҷашни 25- солагии Истиқлолияти давлатии Ҷумҳурии Тоҷикистон дар  шаҳри Новосибирски минтақаи Сибири Федератсияи Русия хобгоҳи замонавӣ  барои 350 нафар, ки бо тамоми шароит муҷаҳҳаз буда, барои муҳоҷирони тоҷик ва меҳмонони шаҳр пешбинӣ шудааст, ба истифода дода шуд.

Тавре роҳбари  хобгоҳ Дилбар Рӯзиева ба хабарнигори АМИТ «Ховар» иброз дошт, ҳадафи аслии сохтмони хобгоҳ, пеш аз ҳама, кумак ба ҳамватанон ва дигар муҳоҷирони меҳнатии кишварҳои ИДМ мебошад. Дар хобгоҳ шаҳрвандони тоҷик ва дигар бошандагон метавонанд аз хизматрасониҳои марказ, ба монанди  ҳуҷҷатгузорӣ ва дарёфти ҷои кор баҳраманд гарданд.

«Нархи шабонарӯзии хобгоҳ ҳамагӣ 150 рубли русӣ (баробар ба 15- 17 сомонӣ)-ро ташкил медиҳад. Хӯрокҳои миллии тоҷикӣ низ бо нархи арзон барои бошандагони хобгоҳ  омода мегарданд»,- гуфт Дилбар Рӯзиева ва илова намуд, ки мо бо ҳамроҳии  ҷавонмарди ватандӯст Муҳаммадӣ Ғайратов нақша дорем  чорабиниҳои муҳими миллиро  дар сатҳи баланд ва бо иштироки васеи хабарнигорон дар хобгоҳ таҷлил намуда, расму оини миллату таърихи ватанамонро муаррифӣ намоем.

Садбарг Боқиева, шаҳри Новосибирск, ФР

Август 27, 2016 09:41

Хабарҳои дигари ин бахш

Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон ҳаво то 25 дараҷа гарм мешавад