Ниммарафони байналмилалии Душанбе: варзишгари Эфиопия аз ҳама пеш ба марра расид

Апрел 18, 2017 10:15

Хабарҳои мавзӯъ

Эфио

ДУШАНБЕ, 18.04.2017/АМИТ «Ховар»/. Бахшида ба Рӯзи пойтахти Тоҷикистон дар шаҳри Душанбе ниммарафони VIII байналмилалӣ гузаронида шуд, ки он бо ғалабаи варзишгарони Эфиопия ва Қирғизистон ҷамъбаст шуд. Дар ниммарафон ба ғайр аз варзишгарони тоҷик, варзишгарони Афғонистон, Беларус, Бразилия, Иёлоти Муттаҳидаи Амрико, Канада, Кения, Қазоқистон, Қирғизистон, Лаҳистон, Олмон, Покистон, Россия, Ӯзбекистон, Украина, Франсия, Ҳиндустон, Чин, Шведсия, Эрон ва Эфиопия иштирок карданд.
Масофаи ниммарафон 21 километру 97,5 метрро ташкил дода, аз «Наврӯзгоҳи пойтахт» шурӯъ шуд ва дар хиёбони Ҳофизи Шерозӣ, маҳаллаи Хуҷамбиё, дидбонгоҳи Чорбоғ, хиёбони Рӯдакӣ ва майдони «Дӯстӣ» (назди ҳайкали Исмоили Сомонӣ) давом кард. Шумораи иштирокчиёни марафон имсол ба 134 нафар варзишгар баробар шуд, ки 113 нафарро мардон ва 21 нафарро занон ташкил доданд.
Дар мусобиқа миёни мардон Тилаҳун Гирма аз Эфиопия бо натиҷаи 1 соату 4 дақиқаю 58 сония мақоми аввалро соҳиб шуд. Самуэл Вайтака Майна аз Кения (1:06,03) мақоми дуюм ва Адилет Киштанбеков аз Қирғизистон (1:06,24) мақоми сеюмро ба даст оварданд.
Дар дави занон Виктория Полюдина аз Қирғизистон бо натиҷаи 1 соату 13 дақиқаю 19 сония ғолиб омад. Юлия Шматенко аз Украина (1:13,51) мақоми дуюм ва Ситора Ҳамидова аз Ӯзбекистон (1:14,19) мақоми сеюмро соҳиб шуданд.
Дар ниммарафон аз байни варзишгарони тоҷик Меҳрангез Назарова ва Ҳасан Ғаффоров беҳтар буданд. Меҳрангез бо натиҷаи 1:29,50 миёни занон ҷои ҳафтум ва Ҳасан бо натиҷаи 1:11,17 байни мардон ҷои ҳаштумро соҳиб шуданд.
Ниммарафони байналмилалӣ, ки аз соли 2010 гузаронида мешавад, аслан баҳри сазовор таҷлил намудани Рӯзи пойтахт, таъмини оммавияти тарбияи ҷисмонӣ ва варзиш, тарзи ҳаёти солим ва устувор намудани робитаҳои ҳамаҷониба бо бародаршаҳрҳо равона гардидааст ва он имсол бори 8-ум барпо гардид.
Обрӯю нуфузи дави марафонии шаҳри Душанбе дар доираи мусобиқоти ҷаҳон мавқеи хосро касб карда, соли 2014 ба тақвими мусобиқоти байналмилалии дави ҷаҳонӣ шомил шудааст.
Шаҳрдорӣ барои баргузории ниммарафони VIII байналмилалӣ 316 ҳазору 620 сомонӣ ҷоиза ҷудо кард ва он ба варзишгароне, ки дар ин ниммарафон ҷойҳои аз 1-ум то 6-умро ба даст оварданд, супорида шуд. Меъёри ҷоизаҳои молии Мақомоти иҷроияи ҳокимияти давлатии шаҳри Душанбе барои давандаҳо чунин буд: барои ҷойи аввал — 28 ҳазору 700 сомонӣ, ҷойи дуюм — 24 ҳазору 600 сомонӣ, ҷойи сеюм — 20 ҳазору 500 сомонӣ, ҷойи чорум — 16 ҳазору 400 сомонӣ, ҷойи панҷум — 14 ҳазору 760 сомонӣ, ҷойи шашум 12 ҳазору 300 сомонӣ.
Ғолибони ниммарафони байналмилалӣ аз оғоз то ба имрӯз инҳоянд:
Занон
2010 Надежда Поволяева (Россия)
2011 Алёна Самохвалова (Россия)
2012 Камила Ханипова (Россия)
2013 Александра Дулиба (Беларус)
2014 Ситора Ҳамидова (Ӯзбекистон)
2015 Юлия Чиженко (Россия)
2016 Даря Маслова (Қирғизистон)
2017 Виктория Полюдина (Қирғизистон)
Мардон
2010 Тоҳир Мамашев (Қазоқистон)
2011 Михаил Биков (Россия)
2012 Андрей Петров (Ӯзбекистон)
2013 Андрей Петров (Ӯзбекистон)
2014 Роман Романенко (Украина)
2015 Юрий Чечун (Россия)
2016 Либога Вилсон (Кения)
2017 Тилаҳун Гирма (Эфиопия)

Апрел 18, 2017 10:15

Хабарҳои дигари ин бахш

DSC_0048+Дар Душанбе усули нав-парвариши гулҳои ороишӣ дар гулдонҳои махсус ба роҳ монда шуд
Авто-ретро-5Дар Душанбе Фестивал-намоишгоҳи панҷуми автомобилҳои коллексионии «Авто Ретро-Душанбе» баргузор мегардад
DSC_0052+Натиҷаи фаъолияти нақлиёти мусофиркашонии пойтахт дар 3 моҳи аввали соли равон ҷамъбаст гардид
Рустами Эмомали-3Бо қарорҳои Раиси шаҳри Душанбе Рустами Эмомалӣ номи як қатор корхонаву муассисаҳои шаҳр иваз гардиданд
2V9A7390+Дар Душанбе иҷлосияи даҳуми Маҷлиси вакилони халқи шаҳри Душанбе баргузор гардид
DSC_0040+Дар Душанбе ҷашни Рӯзи пойтахт бо шукӯҳу шаҳомати хоса ҷараён дорад
кучарубон 3Ҳавасмандии моддии роҳрӯбони фаъоли раёсатҳои истифодабарии роҳҳои ноҳияҳои шаҳри Душанбе дар Рӯзи пойтахт
ДастгохДар Душанбе беҳтарин нозирони минтақавии сол муайян гардиданд
20170414_105908«Як рӯзи бе роҳкиро»-иқдоми идона бахшида ба Рӯзи пойтахт
ДастгохДар Душанбе озмунҳои шаҳрии соҳаи тандурустӣ ҷамъбаст гардиданд
2V9A6194Рустами Эмомалӣ бо Сафири Фавқулода ва Мухтори Ҷумҳурии Ӯзбекистон дар Ҷумҳурии Тоҷикистон Шоқосим Шоисломов мулоқот намуд
2V9A6122Рустами Эмомалӣ бо Игор Лякин-Фролов мулоқот намуд