ПЕШВОИ МИЛЛАТ ДАР БОРАИ СОҲИБКОРИ ТОҶИК, КИ ДАР АМРИКОИ ЛОТИНӢ КОРУ ЗИНДАГӢ МЕКУНАД, БО ИФТИХОР СУХАН ГУФТАНД. Саид Толибов дар Эквадор тиҷорати худро ба роҳ монда, барои 30 кишвар гули садбарг парвариш менамояд

Октябрь 4, 2019 17:39

ДУШАНБЕ, 04.10.2019 /АМИТ «Ховар»/. Тавре қаблан иттилоъ додем, имрӯз дар шаҳри Душанбе Асосгузори сулҳу ваҳдати миллӣ — Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон дар ҷамъомади тантанавӣ ба ифтихори Рӯзи забони давлатии Ҷумҳурии Тоҷикистон иштирок ва суханронӣ карданд.

Зимни суханронии худ Пешвои миллат дар бораи аҳамияти ҳифз ва инкишофи забони давлатӣ, фарҳанги миллӣ ва ҳувияти миллӣ дар замони ҷаҳонишавӣ таъкид карда, аз  чанде аз намояндагони  ин фарҳанг ва ин забонро, ки дар ташаккули нуфузи Тоҷикистон дар хориҷа саҳми назаррас гузоштаанд, ёдовар шуданд.

Аз ҷумла, Сарвари давлат дар бораи сохибкори тоҷик Саид Толибов, ки дар Эквадори дур кору зиндагӣ мекунад ва он ҷо тиҷорати худро ба роҳ монда, барои 30 кишвари ҷаҳон гули садбарг парвариш менамояд, бо ифтихор сухан гуфтанд.

Саид ТОЛИБОВ кист? Суратгузориши хабарнигори АМИТ «Ховар» Акрамхоҷа АКБАР дар ин хусус.  

Саид Толибови 34-солаи тоҷикистонӣ ду сол пеш ба Эквадор кӯч баста, дар он ҷо тиҷорати худро дар бахши гулпарварӣ ба роҳ монд.

Ба гуфтаи Толибов,  иқлими Эквадор, ки барои парвариши гул мусоид мебошад, ба ӯ хеле писанд аст.

Тайи чанд сол ӯ тавонист майдони парвариши гули садбаргро аз 10 гектар ба 40 гектар расонад. Гулҳои парваришкардаи ӯ ба 30 кишвари дунё интиқол меёбанд.

Толибов тасмим дорад, ки гулҳои парваришкардаашро ба Тоҷикистон низ интиқол диҳад ва пайи амалии ин тасмими хеш мебошад.

«Масофаи байни Эквадор ва Тоҷикистон ниҳоят дур аст ва ин бешак ба нархи гулҳо таъсири худро мерасонад. Вале ба ҳар ҳол барои дар шаҳри Душанбе ба фурӯш мондани гулҳои садбарги худ шарики тиҷоратӣ меҷӯям», — мегӯяд Саид Толибов

Дар ширкати ӯ, ки «iRose» ном дорад, 300 нафар сокинони маҳаллӣ ва 8 нафар тоҷикон кор мекунанд. Маоши ҳадди ақал дар ин ҷо тақрибан 400 доллари ИМА буда, он ҳамасола 10 доллар зиёд мешавад. Нархи як дона гули садбарг дар худи парваришгоҳ 35-36 сент буда, дар мағозаҳои фурӯши гули давлатҳои гуногун он бамаротиб зиёд мешавад.

Соҳибкори тоҷик Толибов мегӯяд, ки Ватанро пазмон мешавад ва кӯшиш мекунад, ки ҳар ду сол як маротиба аз Тоҷикистон дидан намояд.

Ёдовар мешавем, ки Ҷумҳурии Эквадор дар Амрикои Ҷанубӣ дар соҳили Уқёнуси Ором ҷойгир буда, масоҳаташ 283,5 километри мураббаъ ва аҳолиаш беш аз 17 миллион нафар мебошад. Пойтахти Эквадор шаҳри Кито буда, он асосан бо гулҳои садбарг, ҷангалҳои Амазон, кӯҳҳои Анду ҷазираҳои Галапагос ва олами вуҳушаш миёни сайёҳону хориҷиён маъруф мебошад.

АКСҲО аз саҳифаи С. Толибов дар шабакаи иҷтимоии Facebook.

 

Октябрь 4, 2019 17:39

Хабарҳои дигари ин бахш

Ризо Назарзода: «Ҷавонон гурӯҳи иҷтимоию демографӣ ва табақаи ҳассоси ҷомеа маҳсуб меёбанд». 23 май — Рӯзи ҷавонони Тоҷикистон
ХАБАРИ ФАВРӢ! Дар Тоҷикистон 1089 нафар аз COVID-19 шифо ёфта, шабонарӯзи гузашта ягон ҳолати фавт аз ин беморӣ ба қайд гирифта нашуд
АЗ КӮЗА БУРУН ТАРОВАД ОН ЧӢ, КИ ДАР ӮСТ. Мулоҳизаҳои академик Кароматулло Олимов ва доктори илмҳои фалсафа Рустам Ҳайдаров перомуни вокунишҳо ва бархӯрдҳои гуногун ба паҳншавии коронавирус дар кишварамон
ДАР ПЕШГИРИИ ПАҲНШАВИИ COVID-19 ҲИССА МЕГУЗОРЕМ! Роҳбарияти КВД «Хоҷагии манзилию коммуналӣ» ва роҳбарони корхонаҳои тобеи он дар шаҳру ноҳияҳои ҷумҳурӣ маоши якмоҳаи худро ба суратҳисоби махсуси мубориза бо COVID-19 гузаронданд
ТАБИБОНРО ҲАБИБИ ХЕШ ДОНЕМ! Суханони Пешвои миллат – «Роҳбари давлат ҳамеша бо шумо ва дар фикри дастгирии шумост», ба табибон ва кулли мардум рӯҳу илҳоми тоза бахшид
30 нафар шаҳрвандони Тоҷикистон аз Украина ба Ватан баргардонида шуданд
COVID-19. Вазири тандурустӣ ва ҳифзи иҷтимоии аҳолӣ бо гирифторони бемории коронавирус суҳбати телефонӣ анҷом дод
БО ПЕШВОИ МИЛЛАТ, МАРДУМИ ШАРИФИ ТОҶИКИСТОН ВА ВОРИСОНИ БУЗУРГИ СИНО ЯКТАНУ ЯКҶОНЕМ! Муроҷиатномаи варзишгарони Тоҷикистон
COVID-19. Сафари мутахассисони варзидаи Ӯзбекистон ба Тоҷикистон ба анҷом расид
БАРТАРАФСОЗИИ ОҚИБАТҲОИ ОФАТИ ТАБИӢ. Дар Хуросон 86 хона пурра ва 300 метр роҳи байни кӯчаҳо аз лойқаю об тоза гардиданд
«ҲАМЕША ИҚБОЛАТ НЕК, РОҲАТ САФЕД ВА УМРАТ ҶОВИДОН БОД, ТОҶИКИСТОНИ АЗИЗ!». Кумакҳои Пешвои миллат бо корвони иборат аз 233 мошини пурбор ба вилояти Хатлон расиданд
Ҷаласаи навбатии Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти COVID-19 дар Тоҷикистон баргузор шуд

Маводҳои таҳлилӣ