Донишҷӯёни муассисаҳои олӣ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
ДУШАНБЕ, 14.03.2025. /АМИТ «Ховар»/. Имрӯз дар доираи ташаббуси Мақомоти иҷроияи ҳокимияти давлатии шаҳри Душанбе бахшида ба Рӯзи байналмилалии ҳифзи пиряхҳо ҷавонон ва донишҷӯёни муассисаҳои таҳсилоти олии касбии ҳудуди пойтахт толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-и Осорхонаи миллии Тоҷикистонро тамошо намуданд. Дар ин хусус ба АМИТ «Ховар» аз шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Барои ҷавонону донишҷӯён экскурсияҳо баргузор карда шуда, муҳтавои асосии ташаббусҳои Тоҷикистон дар соҳаи обу пиряхҳо пешниҳод гардид.
Таъкид шуд, ки Ҷумҳурии Тоҷикистон дар арсаи байналмилалӣ барои ҳалли масъалаҳои марбут ба об, тағйирёбии иқлим ва ҳифзи пиряхҳо пешоҳанг дониста мешавад.
Ҷавонону донишҷӯён дигар толорҳои Осорхонаи миллиро низ тамошо намуда, бо бозёфтҳои нодири бостоншиносӣ ва дастовардҳои беназири даврони соҳибистиқлолӣ аз наздик шинос шуданд.
Ёдовар мешавем, ки ин ташаббуси Мақомоти иҷроияи ҳокимияти давлатии шаҳри Душанбе аз 11 март то 14 март идома ёфта, дар доираи он сокинону фаъолони пойтахт, кормандони касбу кори гуногун ва ҷавонону донишҷӯёни муассисаҳои таҳсилоти олии касбии ҳудуди пойтахт тавонистанд толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-и Осорхонаи миллии Тоҷикистонро тамошо намоянд.
Мақсади асосии тамошои гурӯҳии толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» ҷонибдорӣ аз иқдоми байналмилалии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба обу иқлим ва тарғибу ташвиқи ташаббусҳои байналмилалии Тоҷикистон вобаста ба эълон гардидани соли 2025 Соли байналмилалии ҳифзи пиряхҳо, 21 март Рӯзи байналмилалии ҳифзи пиряхҳо ва дар ин замина рушди сайёҳии дохилӣ ва баланд бардоштани ифтихори миллии мардуми мамлакат ба ҳисоб меравад.
АКС: Шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Дар Душанбе конфронси байналмилалии таҳти унвони «Саҳми Тоҷикистон дар татбиқи Ҳадафҳои рушди устувор ва дипломатияи сабз» баргузор гардид
Дар Душанбе сохтмонҳои ғайриқонунӣ, ошхона ва фурӯшгоҳҳои сарироҳӣ бартараф карда мешаванд
Дар Намоишгоҳи байналмилалии EXPO-2025 гӯшаи Тоҷикистон ташкил гардид
«ИСТИҚЛОЛ». Ин маҷмааи меъморӣ рамзи соҳибистиқлолӣ ва озодии Тоҷикистон мебошад
Доир ба илми пиряхшиносӣ дар давраи соҳибистиқлолии Тоҷикистон конференсия баргузор гардид
Тақвияти минбаъдаи робитаҳо байни шаҳрҳои Душанбе ва Вена баррасӣ гардид
Имкониятҳои сайёҳии табобатии Тоҷикистон муаррифӣ гардиданд
Дар ноҳияи Шоҳмансур Рӯзи пойтахти Ҷумҳурии Тоҷикистон — шаҳри Душанбе таҷлил карда шуд
Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҷамъбаст шуд
Рустами Эмомалӣ бинои нави маъмурии Нозироти андоз дар ноҳияи Шоҳмансури шаҳри Душанберо мавриди истифода қарор доданд
Дар Вена ҷашни муштараки кишварҳои минтақаи Наврӯз доир карда шуд
Бахшида ба Соли байналмилалии ҳифзи пиряхҳо бо иштироки коршиносони байналмилалӣ ҳамоиши омӯзишӣ гузаронида шуд
