Имкониятҳои сайёҳии табобатии Тоҷикистон муаррифӣ гардиданд

Апрель 11, 2025 17:00

ДУШАНБЕ, 11.04.2025. /АМИТ «Ховар»/. Имрӯз дар шаҳри Душанбе дар мавзӯи «Таҳкими устувории саломатӣ дар бахши сайёҳӣ» мизи мудаввар баргузор гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.

Дар он роҳбарияти Кумитаи рушди сайёҳӣ, намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Бонки Осёии рушд ва дигар вазорату идораҳои дахлдор иштирок намуданд.

Муовини раиси Кумитаи рушди сайёҳӣ Зиёдулло Салимзода тариқи рӯнамо вобаста ба имкониятҳои сайёҳии табобатии Ҷумҳурии Тоҷикистон маълумот пешниҳод намуд.

Таъкид карда шуд, ки рушди сайёҳии табобатӣ, солимгардонӣ, санаторӣ ва истироҳатӣ яке аз ҳадафҳои асосии «Стратегияи рушди сайёҳӣ дар Ҷумҳурии Тоҷикистон барои давраи то соли 2030» маҳсуб ёфта, бо дастгириҳои Ҳукумати Ҷумҳурии Тоҷикистон аз ҷониби Кумита ин намуди сайёҳӣ дар баргузории намоишгоҳҳои байналмилалӣ ҳамасола муаррифӣ мегардад.

Иброз гардид, ки дар Тоҷикистон зиёда аз 200 чашмаҳои табобатӣ мавҷуд буда, дар аксари онҳо осоишгоҳҳо сохта шудаанд, ки манбаи сиҳативу омили табобат барои сайёҳони дохилию хориҷӣ ба ҳисоб мераванд. Инчунин осоишгоҳҳои мазкур марказҳои бузурги табобатӣ ва ташхисӣ буда, бо намудҳои гуногуни дастгоҳҳои муолиҷавӣ ва хизматрасонии маданию маишӣ дар дохил ва хориҷи мамлакат маъмуланд.

Апрель 11, 2025 17:00

Хабарҳои дигари ин бахш

Фаъолияти Донишгоҳи байналмилалии сайёҳӣ ва соҳибкории Тоҷикистон дар нимаи аввали соли 2025 қаноатбахш арзёбӣ гардид
Дар моҳи дуюми тобистон Тоҷикистонро чӣ гуна ҳаво интизор аст?
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
РУШДИ САЙЁҲӢ. Имсол ба вилояти Суғд беш аз 242 ҳазор меҳмони хориҷӣ ворид шудааст
РУШДИ САЙЁҲӢ. Табиати дилфиреби Хатлонзаминро беш аз 400 ҳазор нафар сайёҳон тамошо намуданд
Кумита оид ба таҳсилоти ибтидоӣ ва миёнаи касбӣ бахшида ба Рӯзи Ваҳдати миллӣ конфронс доир намуд
Дар Агентии суғуртаи иҷтимоӣ ва нафақа 28-солагии Рӯзи Ваҳдати миллиро ҷашн гирифтанд
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
РУШДИ САЙЁҲӢ. Имсол 1612 нафар сайёҳон табиати нотакрори Бадахшонро тамошо карданд
Дар Душанбе вобаста ба иҷрои Барномаи миллии ташаккули тарзи ҳаёти солим ҷаласа баргузор гардид
«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид