ДАР МАРЗИ ТОҶИКИСТОНУ ЧИН АЛОМАТҲОИ САРҲАДӢ ГУЗОШТА ШУДАНД

Душанбе, 23 сентябр. (АМИТ «Ховар», Мавҷуда  Давлатзода). – Рӯзи  шанбеи  гузашта  дар   гузаргоҳи  сарҳадии Қулма  дар  сарҳади  давлатии  Тоҷикистону  Чин  ба  муносибати   насби  теъдоди  зиёди  аломатҳои  сарҳадӣ  ҷамъомади  ботантана  баргузор  гардид.  Дар  ҳузури  ҷамъмомадагон аз рӯи  қисми  зиёди  аломатҳои  сарҳадӣ   парда  бардошта  шуд. Марзбонони  тоҷик  ҳамроҳи  ҳамкасбони чини худ  дар давоми   чор соли  гузашта  барои   муқаррар  намудани  хати  сарҳад  корҳои  зиёдеро  ба  сомон  расонданд. Баландии  гузаргоҳи  сарҳадии  мазкур   аз  сатҳи  баҳр   4365   метр  мебошад.             Мухбири  АМИТ «Ховар» хабар  медиҳад, ки  дар  ин  ҷо   зиёда аз  сад   аломати  сарҳадӣ  гузошта шуд.