ИСТЕҲСОЛИ ҒАЛЛАДОНАГИҲО ФАРОВОН МЕШАВАД

Душанбе, 24 сентябр. (АМИТ «Ховар», Лаззат Диловарзод).- Соли ҷорӣ кишоварзони ҷумҳурӣ баҳри ба даст овардани ҳосили фаровони зироатҳои ғалладонагӣ ва лӯбиёгиҳо пурмаҳсул меҳнат намуда, ба натиҷаҳои баланд ноил гардиданд, иброз доштанд, дар раёсати растанипарварии Вазорати кишоварзӣ ба мухбири АМИТ «Ховар». Ёдовар бояд шуд, ки соли ҷорӣ дар майдони 292 ҳазору 480 гектар кишти зироатҳои ғалладонагӣ гузаронида шудааст, ки аз ин 217 ҳазору 565 гектари он кӯфта шудааст . Ғаллаи замини кӯфташуда нисбат ба ҳамин давраи соли гузашта 823 гектар зиёд мебошад. Ҳосили зироатҳои ғалладонагӣ ва лӯбиёгиҳо соли ҷорӣ 391 ҳазору 770 тоннаро ташкил медиҳад, ки нисбат ба ҳамин давраи соли гузашта 14 ҳазору 365 тонна зиёд мебошад. Ҳоло дар баъзе ноҳияҳои ҷумҳурӣ ба ҷамъоварии кишти такрорӣ шурӯъ карданд.