СОХТМОНИ ХОНАҲОИ ИСТИҚОМАТӢ

Душанбе, 25 сентябр. (АМИТ»Ховар», Лаззат Диловарзод).- Аз Кумитаи давлатии омор ба мухбири АМИТ «Ховар» иттилоъ доданд, ки дар моҳи январ- августи соли 2008 дар масоҳати 310 ҳазору 837 метри мураббаъ хонаҳои истиқоматӣ сохта ба истифода дода шудаанд, ки ин нисбат ба соли гузашта 56 ҳазору 229 метри мураббаъ зиёд аст. Тибқи маълумоти ҳамин манбаъ, дар моҳи январ – августи соли 2008 масоҳати умумии биноҳои истиқоматӣ ва ба истифода додашуда дар вилояти Суғд – 135 ҳазору 384 метри мураббаъ ё 43,6%, вилояти Хатлон – 98 ҳазору 878 метри мураббаъ ё 31,8 фоиз дар шаҳри Душанбе — 49 ҳазору 831 ва дар ноҳияҳои тобеи ҷумҳурӣ — 26 ҳазору 74 метри мураббаъ ё баробари 8,6 фоизро ташкил додааст. Биноҳои истиқоматиро дар ҷумҳурӣ асосан сектори ғайридавлатӣ ва ҳиссаи бештари онро аҳолӣ месозад.