НУСРАТУЛЛО САЛИМОВ БА МУАССИСАҲОИ ТИББӢ МОШИН ТАҚСИМ КАРД

Душанбе, 30 декабр. (АМИТ «Ховар», Жасмин Назарова).- Маросими кушодашавии Маркази таълимию клиникии тиби оилавии вилояти Хатлон дар мавзеи Қизил – Қалъаи ноҳияи Хуросони вилояти Хатлон баргузор гардид. Тавре ба хабарнигори АМИТ «Ховар» мутахассиси бахши робитаҳои байналмилалии Вазорати тандурустии ҶТ Дилафруз Ғоибова иттилоъ дод, дар ин чорабинӣ муовини Сарвазири Ҷумурии Тоҷикистон Руқия Қурбонова, раиси мақомоти иҷроияи маҳаллии ҳокимияти давлатии вилояти Хатлон Ғайбулло Авзалов, раиси мақомоти иҷроияи ҳокимияти давлатии ноҳияи Хуросони вилояти Хатлон Абдуғаффор Самадов, вазири тандурустии Ҷумҳурии Тоҷикистон Нусратулло Салимов, директори Маркази ҳамоҳангсозии Лоиҳа оид ба тандурустии ҷамоавӣ ва заминавии Бонки Умумиҷаҳонӣ Маҳбуба Шералиева иштирок намуданд. Инчунин, ба муассисаҳои тандурустии шаҳру ноҳияҳои вилояти Хатлон аз ҷониби вазири тандурустии ҶТ Нусратулло Салимов бо дастгирии Лоиҳа оид ба тандурустии ҷамоавӣ ва заминавии Бонки Умумиҷаҳонӣ нақлиёти тамғаи «Нива» ва «УАЗ» тақсим карда шуд.Маркази номбурда бо тамоми лавозимоти замонавӣ таҷҳизонида шудааст, ки барои дар оянда тайёр намудани табибони тиби оилавии вилояти Хатлон ва баланд бардоштани сифати хизматрасонӣ кӯмак мерасонад.