ҲАВОНАВАРДОНИ ТОҶИК ДАР МИНСК ТАҲСИЛ МЕКУНАНД

                    Душанбе, 28 январ. (АМИТ «Ховар», Мавзуна Бойева). — Директори генералии Корхонаи воҳиди давлатии «Тоҷикаэронавигатсия» Анвар Мақсудов зимни нишасти матбуотӣ ба журналистон хабар дод, ки коргарону мутахассисони корхона дар давоми соли 2008 ба бештар аз 50 ҳазор ҳавопаймои ширкатҳои гуногун хизмат расонданд. Вай зикр намуд, ки соли гузашта курсҳои такмили ихтисос ва омӯзиши забони англисиро 17 нафар хатм карда, 46 нафар маҳорати касбии худро такмил дод.                    Қайд карда шуд, ки соли гузашта гурӯҳи кормандони корхона барои таҳсил ба Коллечи ҳавонавардии Қирғизистон фиристода шуданд. 15 нафари дигар барои омӯхтани ихтисоси танзимгари парвози ҳавопаймоҳо ба Коллеҷи олии давлатии ҳавонавардии Минск роҳхат гирифтанд.