БОҒДОРӢ ҲАМ ШУҒЛИ АСОСИИ ХОҶАГИДОРИСТ

                 Душанбе, 27 январ. (АМИТ «Ховар», Лаззат Диловарзод).- Иқлими водии Рашт нафақат барои картошкапарварӣ, балки барои рушди соҳаи боғдорӣ, чорводорӣ ва занбӯри асалпарварӣ ҳам мусоид аст. Бахусус зиёд кардани масоҳати боғҳо ва ривоҷи соҳаи занбӯри асалпарварӣ бо мақсад мувофиқ аст.                 Дар ноҳияи Тоҷикободи ин минтақа, баробари картошкапарварӣ ба боғдорӣ ҳам аҳамияти махсус дода мешавад, зеро аз ин соҳа ҳамасола даромади хуб ба даст оварда мешавад.                Соли 2008 дар ноҳия 20 гектар боғи нав ва 13 гектар боғҳои кӯҳна аз нав барқарор карда шуд. Дар ноҳия масоҳати боғҳои ҳосилдеҳ аз 30 гектар зиёд аст ва масоҳати он ҳар сол ба андозаи 15-20 гектар зиёд карда мешавад.                Танҳо соли гузашта аз ин боғҳо беш аз 5 ҳазор тонна меваи хушсифат ҷамъоварӣ гардид.