ФРОНТИ ЗАРБДОРИ ВАЗОРАТИ КИШОВАРЗӢ

                Душанбе, 30 январ. (АМИТ «Ховар», Лаззат Диловарзод).- Бино ба иттилои сардори маркази матбуот ва иттилоотии Вазорати кишоварзӣ Нарзулло Додобоев, дар вазорати мазкур бо сардории муовинони вазир чор гурӯҳи корӣ оид ба санҷиши нишондодҳои иқтисодӣ, рафти корҳои мавсимӣ-саҳроӣ, зимистонгузаронии чорво, тайёрӣ ба мавсими наслгирӣ дар соли 2009, таъмини хоҷагиҳо бо техника, сӯзишворӣ, тухмӣ, ниҳолшинонӣ ва бунёди боғҳои нав, таҳлили мушкилоти ҷойдошта ва ҳалли он дар маҳал таъсис дода шуд.               Гурӯҳҳои кориро муовини авали вазири кишоварзӣ Раҳмоналӣ Амиров дар вилояти Суғд, муовинон Раҳимназар Шукрулло дар вилояти Хатлон, Маҳмуд Қодиров дар ноҳияҳои тобеи ҷумҳурӣ ва Сиҷовиддин Исроилов дар ноҳияҳои тобеи марказ роҳбарӣ мекунанд.               Рӯзи 2-юми феврал гурӯҳҳои корӣ аз рӯи натиҷаи сафар ба унвонии вазир гузориш медиханд.