МУАРРИФИИ БОЗ ЯК КИТОБ АЗ ЗИНДАГИИ ИМОМИ АЪЗАМ

                 Душанбе,28 январ. (АМИТ «Ховар», Лутфия Эшонкулова).- «Имоми Аъзам зиндагӣ, мазҳаб ва васоё»- таҳти чунин унвон дар нашриёти «Ирфон» китоби нави Фаридулло Убайдуллоев аз чоп баромад. Китоби мазкур бо дастгирии Донишкадаи иқтисодии Тоҷикистон, бахшида ба Соли бузургдошти Имоми Аъзам мураттаб шуда, таърихи зиндагонӣ, сурат ва сират, мазҳаб ва васиятномаҳои Имоми Аъзам Абӯҳанифаи Куфиро дар бар мегирад.                 Мақсади муаллиф ҳарчӣ бештар хонандаро бо чеҳраи ин Имоми ҷалилулқадр ошно кардан ва дар ин росто боло бурдани сатҳи тасаввуроти онҳо то андозаи шинохтани пешвои мазҳабии худ ва огоҳона аз ӯ пайравӣ намудан мебошад.                Китоби мазкур ба таври илмӣ- оммавӣ ва бо забони нисбатан содда таълиф гардида, аз худ кардани матолиби он ба осонӣ даст медиҳад.