МУЛОҚОТ ДАР ВКХ
Душанбе, 28 январ. (АМИТ «Ховар», Наргис Бояхмедова). — Вазири корҳои хориҷии Ҷумҳурии Тоҷикистон Ҳамрохон Зарифӣ дирӯз, 27 январ бо вазири ҳамкории байналхалқии Ҷумҳурии Араби Миср Фоиза Абдулнаҷо мулоқот кард. Зимни сӯҳбат масъалаҳои марбут ба рушди ҳамкории мутақобилан муфид дар соҳаҳои кишоварзӣ, тиб ва энергетика муҳокима шуданд. Мусоҳибон ҳамчунин ба масъалаҳои бунёди корхонаҳои муштарак барои истеҳсоли дору ва иштироки соҳибкорони мисрӣ дар иҷрои барномаҳои энергетикии Тоҷикистон дахл намуданд. Ҳар ду ҷониб зикр карданд, ки бо мақсади рушди ҳамкории дуҷониба дар байни ҳар ду кишвар кушодани роҳи ҳавоӣ аҳамияти калон дорад. Вазири ҳамкории байналхалқии Миср ба натиҷаҳои маҷлиси нахустини дар шаҳри Душанбе баргузоргардидаи Комиссияи байниҳукуматии хамкории тиҷоратию иқтисодӣ, илмӣ ва техникии Тоҷикистону Миср баҳои баланд дод. Ҳамрохон Зарифӣ таваҷҷӯҳи ҳамсӯҳбаташро ба масъалаи кушодани Сафоратхонаи Ҷумҳурии Мисри араб дар Тоҷикистон ҷалб намуда, аҳамияти онро дар густариши муносибатҳо ва ҳамкории ҳар ду кишвар таъкид намуд. Вай зикр кард, ки омӯхтани таҷрибаи Миср дар истиқрори сулҳ дар бартараф сохтани проблемаҳои Афғонистон аҳамияти калон дорад. Дар фарҷоми сӯҳбат масъалаи таҳсили мутахассисони тоҷик дар курсҳои кӯтоҳмуддати Фонди ҳамкории техникии Миср баррасӣ карда шуд. Вазири мисрӣ изҳор намуд, ки тайёр аст ба таҳсили дипломатҳо ва донишҷӯёни тоҷик дар курсҳои такмили ихтисос ва забономӯзӣ мусоидат кунад. Тарҷумон — Қудратов А.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
