ШАРТНОМАҲОИ ҚАЛБАКӢ

                Душанбе, 28 январ.(АМИТ «Ховар», Лаззат Диловарзод).- Вазорати меҳнат ва ҳифзи иҷтимоии аҳолӣ дар соли 2008 вазъи ба имзорасии созишномаҳои соҳавӣ ва шартномаҳои коллективиро мавриди санҷиш қарор дод.                Таҳлили фаъолияти ташкилоту муассисаҳо ва корхонаҳо дар ин самт нишон дод, ки аз 1268 ташкилоту муассисаҳои таҳти санҷиши мақомоти вазорат қарордошта, дар 599-тои он шартномаҳои коллективӣ баста нашудааст. Илова бар ин аз шартномаҳои баимзорасида 421-тои он ба талаботи бастани шартнома ҷавобгӯ нест.               Тибқи қонунҳои ҷорӣ, дар шартнома муқаррар намудани андозаи музди меҳнат, пардохти саривақтии он, таъмини ҳифзи меҳнат ва ташкили фаъолияти мӯътадили истеҳсолот, ки талаботи асосии шартномахои коллективӣ маҳсуб меёбанд, аз тарафи корфармоён сарфи назар шудаанд,- иброз доштанд дар вазорати мазкур ба мухбири АМИТ «Ховар».