СОҲАИ ПАХТАКОРӢ ЗАРАРОВАР ГАРДИД, ЧАРО ?

                 Душанбе, 28 январ.(АМИТ «Ховар», Лаззат Диловарзод).- Бино ба суханони вазири кишоварзӣ Қосим Қосимов, пахтакорӣ дар ҷумҳурии Тоҷикистон соҳаи афзалиятнок шуморида мешавад ва қариб дар 60 фоизи заминҳои корами обёришаванда ин зироати техникӣ кишт карда мешавад.                 Аммо боиси таассуф аст,ки сол аз сол истеҳсоли ин ашёи хоми пурқиммат кам мегардад. Дар баробари кам шудани истеҳсоли умумии пахта, қарзи хоҷагиҳо дар назди сармоягузорон афзоиш меёбад. Ин муаммо вақте ба миён гузошта шудааст, ки қарзи хоҷагиҳои пахтакор аз 80, 4 млн.доллари дар соли 2001 бавуҷудомада, дар соли 2008 ба 488,5 млн.доллар расидааст. Кушодани чигили ҷавобгарӣ муаммои дигарест, ки барои имрӯзу фардо ва рӯзҳои пешоянд ҳам беҷавоб боқӣ мемонад ва пахтакорӣ аз соҳаи даромаднок ба соҳаи зараровар табдил меёбад.