ЗАХИРАИ ДОЛЛАР ДАР БОНКИ МИЛЛӢ КАМ КАРДА МЕШАВАД

                   Душанбе, 28 январ. (АМИТ «Ховар», Покиза Маҳмадбекова). — Раиси Бонки миллӣ Шариф Раҳимзода дар ҷараёни нишасти матбуотӣ ба хабарнигорон гуфт, ки бонк дар давоми соли 2008 ба маблағи 220,1 миллион доллари ИМА пулҳои гуногуни хориҷиро харид. Саҳми рубли Русия дар гардиши пул соли гузашта 35 фоиз афзуд.                   Таъкид карда шуд, ки Бонки миллӣ вобаста ба тақвият ёфтани бӯҳрони ҷаҳонии молиявӣ захираи долларро кам карда, баробари ин захираи пулҳои дигари хориҷиро бештар хоҳад кард. Қурби пули миллӣ аз рӯзҳои аввали соли 2009 нисбати доллари ИМА 7 фоиз паст гардид. Бонки миллӣ кӯшиш хоҳад кард, ки соли 2009 як доллари ИМА ба 3,55 сомонӣ баробар нигоҳ дошта шавад.