МУНШИИ УМУМИИ СММ БА МАМЛАКАТҲОИ ОСИЁИ МАРКАЗӢ САФАР МЕКУНАД

                    Душанбе, 20 феврал. АМИТ «Ховар», Наргис Бояхмедова). — Вазири корҳои хориҷии Ҷумҳурии Тоҷикистон Ҳамрохон Зарифӣ имрӯз бо намояндаи махсуси муншии умумии СММ, роҳбари маркази минтақавии дипломатияи пешгирикунандаи СММ дар Осиёи Марказӣ Мирослав Енча мулоқот кард. Зимни сӯҳбат роҷеъ ба самтҳои гуногуни ҳамкории Тоҷикистон бо Маркази минтақавии дипломатияи пешгирикунандаи СММ дар марҳалаи ҳозира табодули назар карда шуд. Мусоҳибон масъалаҳои марбут ба нақшаҳои фаъолияти маркази минтақавиро дар соли 2009 баррасӣ намуданд.                    Мухбири АМИТ «Ховар» хабар медиҳад, ки баъдан зимни сӯҳбат масъалаҳои марбут ба вазъияти минтақа, сафари ояндаи Муншии умумии СММ Пан Ги Мун ба мамлакатҳои Осиёи Марказӣ ва масъалаҳои дигар муҳокима шуданд.